കര്‍ഷക പ്രതിഷേധത്തില്‍ പങ്കെടുക്കാനെത്തിയയാള്‍ കാറിന് തീപിടിച്ച് വെന്തുമരിച്ചു

ന്യൂഡല്‍ഹി: പ്രക്ഷോഭം നടത്തുന്ന കര്‍ഷകര്‍ക്ക് ഐക്യദാര്‍ഢ്യം പ്രകടിപ്പിക്കാനായി ഡല്‍ഹിയിലേക്ക് പോയയാള്‍ കാറിന് തീപിടിച്ച് വെന്തുമരിച്ചു. കാറില്‍ ഇരുന്ന് ഉറങ്ങുകയായിരുന്ന ഇയാള്‍ക്ക് തീപിടിച്ചെങ്കിലും രക്ഷപെടാന്‍ സാധിച്ചില്ല. ശനിയാഴ്ച രാത്രിയാണ് അപകടം ഉണ്ടായത്.

Also Read: രാജധാനി, മംഗള, കേരള എക്‌സ്പ്രസുകളുടെ സമയക്രമത്തില്‍ മാറ്റം; കേരളത്തിലേക്കുള്ള പുതിയ സ്റ്റോപ്പുകള്‍ ഇവയാണ്

ട്രാക്ടര്‍ റിപ്പയറായ ജാനക് രാജ് രാജ്യതലസ്ഥാനത്ത് കാര്‍ഷിക നിയമങ്ങള്‍ക്കെതിരെ പ്രതിഷേധിക്കാന്‍ തമ്പടിച്ചിരുന്ന കര്‍ഷകര്‍ ഉപയോഗിക്കുന്ന ട്രാക്ടറുകള്‍ സ്വമേധയാ ശരിയാക്കാന്‍ ഡല്‍ഹിയിലേക്ക് പോയിരുന്നു. ബഹദുര്‍ഗയ്ക്ക് (ഡല്‍ഹി- ഹരിയാന) സമീപം രാത്രി ജോലി പൂര്‍ത്തിയാക്കിയ ശേഷം ജനക് രാജ് കാറില്‍ ഉറങ്ങി പോയി. വാഹനത്തിന് തീപിടിക്കുകയും ജീവനോടെ വെന്തുമരിക്കുകയും ചെയ്തതായി അധികൃതര്‍ പറഞ്ഞു.

ബര്‍ണാല ജില്ലകയിലെ ധനൗല സ്വദേശിയാണ് ജനക് രാജ്. ശിരോമണി അകാലി ദള്‍ ജനക് രാജിന്റെ മരണത്തില്‍ അനുശോചിച്ചു. കര്‍ഷക പ്രസ്ഥാനത്തിന്റെ ചരിത്രത്തില്‍ അദ്ദേഹത്തിന്റെ പേര് എക്കാലവും സ്മരിക്കപ്പെടുമെന്ന് ശിരോമണി അകാലി ദള്‍ ട്വീറ്റ് ചെയ്തു. പ്രക്ഷോഭത്തില്‍ പങ്കെടുക്കുന്ന എല്ലാ കര്‍ഷക സംഘടനകളും അദ്ദേഹത്തിന്റെ മരണത്തില്‍ അനുശോചനം അറിയിച്ചു.

Also Read: ആരെയും 'ഒതുക്കിയിട്ടില്ല', പുതിയവര്‍ക്ക് പ്രാതിനിധ്യം നല്‍കി; എല്ലാം പരമാവധി പരിഹരിക്കാന്‍ ശ്രമിച്ചെന്ന് കെ സുരേന്ദ്രന്‍

കേന്ദ്രസര്‍ക്കാരിന്റെ കര്‍ഷക നിയമങ്ങള്‍ക്കെതിരായ പ്രതിഷേധവുമായി പഞ്ചാബ്, ഹരിയാന, ഉത്തര്‍പ്രദേശ്, ഉത്തരാഖണ്ഡ്, രാജസ്ഥാന്‍ എന്നീ സംസ്ഥാനങ്ങളില്‍ നിന്നുള്ള കര്‍ഷകര്‍ ഡല്‍ഹിയിലും പരിസര പ്രദേശങ്ങളിലും തമ്പടിച്ചിരിക്കുകയാണ്.