സ്ത്രീ സംരക്ഷണത്തിനായി വനിതാ കരടുനയ ബില്‍ പുറത്തിറക്കി

കേന്ദ്രസര്‍ക്കാരിന്റെ പുതിയ വനിതാ കരടുനയ ബില്‍ പുറത്തിറക്കി. കുട്ടികളുടെയും വനിതകളുടെയും സംരക്ഷണത്തിനായാണ് കരടുനയ ബില്‍. പുരുഷന്മാര്‍ സ്ത്രീകളെ ബഹുമാനിക്കുന്ന ശീലം വളര്‍ത്തിയെടുക്കാൻ സ്കൂള്‍ തലം മുതല്‍ ലിംഗസമത്വ പ്രചാരണം നടത്തണമെന്ന് ഇതിൽ ശുപാര്‍ശ ചെയ്യുന്നു.

സ്ത്രീകള്‍ക്ക് പ്രത്യുല്‍പാദന അവകാശം ഉറപ്പാക്കുമെന്നും ബില്ലില്‍ പറയുന്നു. പോലീസില്‍ വനിതാ സംവരണം ഉറപ്പാക്കുന്നതിനു പുറമെ മഹിളാ പോലീസ് വോളന്റിയര്‍മാരെയും രംഗത്തിറക്കും. സ്വകാര്യഭൂമി ഭര്‍ത്താവിന്റെയും ഭാര്യയുടെയും പേരില്‍ സംയുക്തമായോ സ്ത്രീയുടെ പേരില്‍ മാത്രമായോ രജിസ്റ്റര്‍ ചെയ്യാന്‍ പ്രത്യേകം ഇളവു നല്‍കണം, തുടങ്ങിയവയാണ് ബില്ലിലെ മറ്റു ശുപാര്‍ശകള്‍.

ആരോഗ്യം, വിദ്യാഭ്യാസം, തൊഴില്‍ , തുടങ്ങി സര്‍വ്വ മേഖലകളിലും വനിതാ പ്രാതിനിധ്യം വര്‍ധിപ്പിക്കാനും ലിംസമത്വം ഉറപ്പിക്കാനും ലക്ഷ്യമിട്ടുള്ള വനിതാനയം കേന്ദ്ര വനിതാ ശിശുക്ഷേമ മന്ത്രി മേനക ഗാന്ധിയാണ് പുറത്തിറക്കിയത്.