കൊൽക്കത്തയിൽ മാർക്കറ്റിൽ തീപിടിത്തം; വൻ നാശനഷ്ടം

കൊൽക്കത്ത: ബഗ‍്‍രി മാർക്കറ്റിൽ അഞ്ച് നിലക്കെട്ടിടത്തിൽ വൻ തീപിടിത്തം. ഞായറാഴ്ച പുലർച്ചെയാണ് തിപിടിത്തമുണ്ടായത്. അപകട സമയത്ത് കെട്ടിടത്തിലോ ഇതിന് സമീപമോ ആരും ഇല്ലാത്തതിനാൽ വൻ ദുരന്തം ഒഴിവായി. സംഭവ സ്ഥലത്ത് ഇപ്പോഴും രക്ഷാപ്രവർത്തനം പുരോഗമിക്കുകയാണ്.

മുപ്പതോളം അഗ്നിശമനസേന സംഘങ്ങളാണ് രക്ഷാപ്രവർത്തനത്തിനെത്തിയത്. പ്രദേശമാകെ കനത്ത പുക നിറഞ്ഞത് രക്ഷാപ്രവർത്തനത്തെ കാര്യമായി ബാധിച്ചു. അഞ്ച് നിലക്കെട്ടിടം പൂർണമായും കത്തിനശിച്ച നിലയിലാണ്.