പ്രതിപക്ഷ സഖ്യത്തിന് വിള്ളല്‍ വീഴ്ത്തി മായാവതി

ന്യൂഡല്‍ഹി: വിശാല പ്രതിപക്ഷ സഖ്യത്തിന് വിള്ളല്‍ വീഴ്ത്തി ബിഎസ്‍പി നേതാവ് മായാവതി. ചത്തീസ്‍ഢില്‍ കോണ്‍ഗ്രസ് വിട്ട മുന്‍ മുഖ്യമന്ത്രി അജിത് ജോഗിയുടെ ജനതാ കോണ്‍ഗ്രസും ബിഎസ്‍പിയും സഖ്യമായി നിയമസഭാ തിരഞ്ഞെടുപ്പിനെ നേരിടാന്‍ തീരുമാനിച്ചു.

ചത്തീസ്‍ഗഢില്‍ സഖ്യസര്‍ക്കാര്‍ അധികാരത്തിലെത്തിയാല്‍ അജിത് ജോഗി മുഖ്യമന്ത്രിയാകും. ബിഎസ്‍പിക്ക് അര്‍ഹമായ സീറ്റുകള്‍ നല്‍കുന്ന പാര്‍ട്ടികളുമായി മാത്രമേ സഖ്യത്തിനുള്ളൂവെന്നും മായാവതി വ്യക്തമാക്കി.

ചത്തീസ്‍ഗഢിലെ ആകെയുള്ള 90 സീറ്റുകളില്‍ ബിഎസ്‍‍പി 35 സീറ്റിലും ജനതാ കോണ്‍ഗ്രസ് 55 സീറ്റുകളിലും മത്സരിക്കാനാണ് ധാരണയായത്. സംസ്ഥാനത്ത് ദളിത് മേഖലകള്‍ കൂടുതലായി ഉണ്ട്. ഇത് ലക്ഷ്യം വെച്ചാണ് മായാവതിയുടെ നീക്കം.