മലയാളി വൈദികന്‍റെ കാര്യത്തിൽ വ്യക്തതയില്ലാതെ കേന്ദ്രം

ന്യൂഡൽഹി: ഐഎസ് ഭീകരർ ക്രൂശിച്ചുവെന്ന് കരുതുന്ന മലയാളിയായ വൈദികൻ ഫാ. തോമസ് ഉഴുന്നാലിന്‍റെ കാര്യത്തിൽ ഇനിയും വ്യക്തതയില്ലാതെ കേന്ദ്രസർക്കാർ. ദു:ഖവെള്ളിയാഴ്ച ദിവസം ഫാ. ഉഴുന്നാലിനെ ഐഎസ് ഭീകരർ കൊലപ്പെടുത്തിയതായി വിവിധ മാധ്യമങ്ങൾ റിപ്പോർട്ട് ചെയ്തിരുന്നു. എന്നാൽ ഇക്കാര്യം സംബന്ധിച്ച് ഇതുവരെയും ഒരു വിവരവും ലഭിച്ചിട്ടില്ലെന്നാണ് കേന്ദ്രസ‍ർക്കാർ പറയുന്നത്.

എയ്ഡനിലെ വൃദ്ധസദനത്തിൽ നിന്ന് മാർച്ച് നാലിനാണ് വൈദികനെ ഭീകരർ തട്ടിക്കൊണ്ടുപോയത്. മദർ തെരേസ സ്ഥാപിച്ച മിഷനറീസ് ഓഫ് ചാരിറ്റിയുടേതായിരുന്നു ഈ വൃദ്ധസദനം. അതേ ദിവസം വൃദ്ധസദനത്തിലുണ്ടായിരുന്ന 16 പേരെ ഭീകരർ കൊലപ്പെടുത്തിയിരുന്നു. ഫാ. ഉഴുന്നാലിൽ ദു:ഖവെള്ളി ദിവസം കൊല്ലപ്പെടുമെന്ന് ഐഎസ് അറിയിച്ചതായി ദക്ഷിണാഫ്രിക്ക അടിസ്ഥാനമാക്കിയുള്ള മതസംഘടനയായ ഫ്രാൻസിസ്കൻ സിസ്റ്റേഴ്സ് ഓഫ് സീസൻ ഫേസ്ബുക്കിലൂടെ അവകാശപ്പെട്ടിരുന്നു. എന്നാൽ ഈ പോസ്റ്റ് പിന്നീട് ഡിലീറ്റ് ചെയ്തു.

ഫാ. തോമസ് ഉഴുന്നാലിൽ ക്രിസ്തു കൊല്ലപ്പെട്ട അതേ രീതിയിൽ കൊല്ലപ്പെട്ടുവെന്ന് റിപ്പോർട്ട് വരുമ്പോഴും അദ്ദേഹത്തെ രക്ഷിക്കാൻ തങ്ങളാലാവും വിധം എല്ലാം ചെയ്യുകയാണെന്നാണ് വിദേശകാര്യമന്ത്രാലയം ഇപ്പോൾ പറയുന്നത്. വത്തിക്കാനുമായി ബന്ധപ്പെട്ടിട്ടുണ്ടെന്നും ഇ കൂട്ടിച്ചേർത്തു.