മീരാ കുമാര്‍ അഖിലേഷിനെയും മായാവതിയെയും കണ്ടു

ലക്നൗ: താനും എന്‍ഡിഎ സ്ഥാനാര്‍ത്ഥി രാം നാഥ് കോവിന്ദും ജാതിയുടെ പേരില്‍ അറിയപ്പെടേണ്ടിവരുന്നത് ദൗര്‍ഭാഗ്യകരമാണെന്ന് പ്രതിപക്ഷത്തിന്‍റെ രാഷ്ട്രപതി സ്ഥാനാര്‍ത്ഥി മീരാ കുമാര്‍. സമാജ് വാദി പാര്‍ട്ടി പ്രസിഡന്‍റ് അഖിലേഷ് യാദവിനെയും ബിഎസ്‍പി നേതാവ് മായാവതിയെയും സന്ദര്‍ശിച്ചശേഷം സംസാരിക്കുകയായിരുന്നു അവര്‍.

ഒരു ജനാധിപത്യ രാജ്യത്തെ ഏറ്റവും വലിയ ഭരണഘടനാ പദവിയിലേക്ക് മത്സരിക്കുന്ന രണ്ടുപേരെ ജാതി പറഞ്ഞ് വിശേഷിപ്പിക്കേണ്ടിവരുന്നത് ദൗര്‍ഭാഗ്യകരമാണ്, മീരാ കുമാര്‍ വെള്ളിയാഴ്‍ച ലക്നൗവില്‍ പറഞ്ഞു. നടക്കാനിരിക്കുന്ന രാഷ്ട്രപതി തെരഞ്ഞെടുപ്പ് രണ്ട് വ്യക്തികള്‍ തമ്മിലുള്ള മത്സരമല്ല, മറിച്ച് രണ്ട് ആശയങ്ങള്‍ തമ്മിലുള്ള പോരാട്ടമാണെന്ന് മീരാ കുമാര്‍ പറഞ്ഞു.

ജാതിമത വിവേചനം ഉണ്ടാക്കുന്നതാണ് ബിജെപിയുടെ ആശയങ്ങള്‍. എന്നാല്‍, ജനങ്ങളെ ഒന്നിപ്പിക്കുന്നതാണ് തങ്ങളുടെ ആശയങ്ങള്‍ എന്നും അവര്‍ കൂട്ടിച്ചേര്‍ത്തു.

Meira Kumar meets Akhilesh Yadav, Mayawati

The joint candidate of non-BJP opposition parties for Presidential elections, Meira Kumar, on Friday said that it was "highly unfortunate" that she and NDA candidate Ram Nath Kovind, were identified by their caste.