ന്യൂഡല്ഹി: രണ്ട് മലയാളികളടക്കം 22 ഇന്ത്യക്കാരുമായി കാണാതായ എണ്ണക്കപ്പല് 'മറൈന് എക്സ്പ്രസ്' കണ്ടെത്താനുള്ള ശ്രമം തുടരുകയാണെന്ന് വിദേശകാര്യമന്ത്രി സുഷമാ സ്വരാജ്. നൈജീരിയ, ബെനിന് എന്നിവയുടെ നാവികസേനകളുടെ സഹായത്തോടെയാണ് കപ്പല് കണ്ടെത്താനുള്ള ശ്രമം നടത്തുന്നത്. കാണാതായവരെക്കുറിച്ചുള്ള വിവരങ്ങള് ലഭ്യമാക്കാന് 24 മണിക്കൂറും പ്രവര്ത്തിക്കുന്ന ഹെല്പ്പ് ലൈന് സംവിധാനം പ്രവര്ത്തനം തുടങ്ങിയെന്നും മന്ത്രി സുഷമ സ്വരാജ് ട്വിറ്ററിലൂടെ അറിയിച്ചു.
കാസര്കോട് ഉദുമ സ്വദേശി ശ്രീഉണ്ണിയും കോഴിക്കോട് സ്വദേശിയായ ജീവനക്കാരനുമാണ് കാണാതായ കപ്പലിലുള്ള രണ്ട് മലയാളികള്. കടല്ക്കൊള്ളക്കാരുടെ ശക്തമായ സാന്നിധ്യമുള്ള ബെനിന് തീരത്തുനിന്നാണ് കപ്പല് കാണാതായിട്ടുള്ളതെന്ന് ഡയറക്ടറേറ്റ് ജനറല് ഓഫ് ഷിപ്പിങ് വ്യക്തമാക്കി.
കപ്പലുമായി ബന്ധം സ്ഥാപിക്കാന് ഇതുവരെ കഴിഞ്ഞിട്ടില്ലെന്നും മോചനദ്രവ്യം ആവശ്യപ്പെട്ടുകൊണ്ടുള്ള ഒരു സന്ദേശവും ഇതുവരെ ലഭിച്ചിട്ടില്ലെന്നുമാണ് അധികൃതര് പറയുന്നത്. എണ്ണക്കപ്പലിന്റെ ഉടമകളായ ആംഗ്ലോ - ഈസ്റ്റേണ് ഷിപ്പിങ് അധികൃതര് എല്ലാ സഹായവും വാഗ്ദാനം ചെയ്തിട്ടുണ്ടെന്നും കാണാതായവരുടെ കുടുംബങ്ങളെ സഹായിക്കുന്നതിനുവേണ്ടി അവര് എമര്ജന്സി റെസ്പോണ്സ് സെന്റര് തുറന്നിട്ടുണ്ടെന്നും അധികൃതര് വ്യക്തമാക്കിയിട്ടുണ്ട്.
കാസര്കോട് ഉദുമ സ്വദേശി ശ്രീഉണ്ണിയും കോഴിക്കോട് സ്വദേശിയായ ജീവനക്കാരനുമാണ് കാണാതായ കപ്പലിലുള്ള രണ്ട് മലയാളികള്. കടല്ക്കൊള്ളക്കാരുടെ ശക്തമായ സാന്നിധ്യമുള്ള ബെനിന് തീരത്തുനിന്നാണ് കപ്പല് കാണാതായിട്ടുള്ളതെന്ന് ഡയറക്ടറേറ്റ് ജനറല് ഓഫ് ഷിപ്പിങ് വ്യക്തമാക്കി.
കപ്പലുമായി ബന്ധം സ്ഥാപിക്കാന് ഇതുവരെ കഴിഞ്ഞിട്ടില്ലെന്നും മോചനദ്രവ്യം ആവശ്യപ്പെട്ടുകൊണ്ടുള്ള ഒരു സന്ദേശവും ഇതുവരെ ലഭിച്ചിട്ടില്ലെന്നുമാണ് അധികൃതര് പറയുന്നത്. എണ്ണക്കപ്പലിന്റെ ഉടമകളായ ആംഗ്ലോ - ഈസ്റ്റേണ് ഷിപ്പിങ് അധികൃതര് എല്ലാ സഹായവും വാഗ്ദാനം ചെയ്തിട്ടുണ്ടെന്നും കാണാതായവരുടെ കുടുംബങ്ങളെ സഹായിക്കുന്നതിനുവേണ്ടി അവര് എമര്ജന്സി റെസ്പോണ്സ് സെന്റര് തുറന്നിട്ടുണ്ടെന്നും അധികൃതര് വ്യക്തമാക്കിയിട്ടുണ്ട്.