ലയനം പ്രഖ്യാപിച്ചു: ഒപിഎസിന്‍റെ സത്യപ്രതിജ്ഞ അഞ്ച് മണിക്ക്

ചെന്നൈ: തമിഴ്‌നാട്ടിൽ എഐഡിഎംകെയുടെ ഇരുവിഭാഗങ്ങൾ തമ്മിലുള്ള ലയനം പ്രഖ്യാപിച്ചു. വി.കെ.ശശികലയെ പാർട്ടിയിൽ നിന്ന് പുറത്താക്കിയേക്കും. മുഖ്യമന്ത്രി എടപ്പാടി പളനിസ്വാമിയും ഒ.പനീർസെൽവവും പാർട്ടി ആസ്ഥാനത്ത് എത്തി. ജയാ സമിതിയിൽ ഇരു നേതാക്കളും ഒന്നിച്ചെത്തിയായിരിക്കും ഔദ്യോഗിക ലയനപ്രഖ്യാപനം നടത്തുക.

വൈകിട്ട് അഞ്ച് മണിയോടെ പനീർസെൽവം ഉപമുഖ്യമന്ത്രിയായി സത്യപ്രതിജ്ഞ ചെയ്യും. പനീർസെൽവം, കെ.പാണ്ഡ്യരാജൻ, എ.സെമ്മലൈ എന്നിവർ ഇന്നുതന്നെ മന്ത്രിമാരായി സത്യപ്രതിജ്ഞ ചെയ്യുമെന്നാണ് സൂചന. ഇരുവിഭാഗങ്ങളും ഒന്നിച്ചുള്ള ചർച്ച പാർട്ടി ആസ്ഥാനത്ത് പുരോഗമിക്കുകയാണ്. ഗവർണർ വിദ്യാസാഗർ റാവു അടിയന്തിരമായി മുംബൈയിൽ നിന്നു ചെന്നൈയിലെത്തി. ശശികലയെ ജനറൽ സെക്രട്ടറി സ്ഥാനത്ത് നിന്ന് പുറത്താക്കി ഔദ്യോഗിക പ്രഖ്യാപനം ഉടൻ ഉണ്ടാകും.

Merger declaration soon: OPS will take oath soon

OPS and EPS faction to merge soon: OPS will oath in as deputy CM