മിഗ്–29കെ പരിശീലന വിമാനം അറബിക്കടലിൽ തകർന്നു വീണു; പൈലറ്റിനെ കാണാതായി

ന്യൂഡല്‍ഹി: മിഗ് 29-കെ പരിശീലന വിമാനം അറബിക്കടലില്‍ തകര്‍ന്ന് വീണു. പൈലറ്റുമാരില്‍ ഒരാളെ രക്ഷപ്പെടുത്തി. ഒരാളെ കാണാതായെന്ന് നാവികസേന അറിയിച്ചു. വ്യാഴാഴ്ച വൈകീട്ടോടെയാണ് അപകടം നടന്നത്. കാണാതായ പൈലറ്റിനായി തെരച്ചിൽ നടക്കുകയാണെന്നാണ് റിപ്പോർട്ടുകൾ

സേനയുടെ വിവിധ യൂണിറ്റുകള്‍ തെരച്ചില്‍ നടത്തുകയാണെന്ന് നാവിക സേന അറിയിച്ചു. പരിശീലന വിമാനം തകർന്ന് വീണ സംഭവത്തില്‍ അന്വേഷണത്തിന് ഉത്തരവിട്ടിട്ടുണ്ടെന്നും നാവിക സേന പ്രസ്താവനയിലൂടെ അറിയിച്ചു.

Also Read : രാജ്യത്ത് കൊവിഡ് കേസുകൾ 93 ലക്ഷം കടന്നു; 24 മണിക്കൂറിനിടെ 492 മരണങ്ങൾ

'നവംബർ 26 ന് വൈകീട്ട് അഞ്ച് മണിക്ക് ഒരു മിഗ് -29 കെ ട്രെയിനർ വിമാനം കടലിലേക്ക് തകർന്നു വീണു. ഒരു പൈലറ്റിനെ കണ്ടെത്തിയിട്ടുണ്ട്. രണ്ടാമത്തെ പൈലറ്റിനായി വ്യോമ, ഉപരിതല യൂണിറ്റുകൾ വഴി തെരച്ചിൽ പുരോഗമിക്കുകയാണ്. സംഭവത്തെക്കുറിച്ച് അന്വേഷിക്കാൻ ഉത്തരവിട്ടിട്ടുണ്ട്,” ഇന്ത്യൻ നാവികസേന പ്രസ്താവനയിൽ പറഞ്ഞു.

Also Read : ഡൽഹി ചലോ: ഡൽഹി- ഹരിയാന അതിർത്തിയിൽ സംഘർഷാവസ്ഥ; പിന്തിരിയാതെ കർഷകർ

അറബിക്കടലില്‍ ഐഎന്‍എസ് വിക്രമാദിത്യ വിമാനവാഹിനി കപ്പലില്‍ നിന്ന് പറന്നുയര്‍ന്ന മിഗ് 29 കെ യുദ്ധവിമാനമാണ് അപകടത്തില്‍പ്പെട്ടതെന്നാണ് റിപ്പോർട്ട്.