അരവിന്ദ് കെജ്‍രിവാളുമായി സ്റ്റാലിന്‍ കൂടിക്കാഴ്ച നടത്തി

ന്യൂഡല്‍ഹി: ഡല്‍ഹി മുഖ്യമന്ത്രി അരവിന്ദ് കെജ്‍രിവാളുമായി ഡിഎംകെ അധ്യക്ഷന്‍ എംകെ സ്റ്റാലിന്‍ കൂടിക്കാഴ്ച നടത്തി. എ രാജ, കനിമൊഴി എംപി, ടിആര്‍ ബാലു എന്നിവരും കൂടിക്കാഴ്ചയില്‍ സ്റ്റാലിനോടൊപ്പം ഉണ്ടായിരുന്നു. തമിഴ്നാട് മുന്‍ മുഖ്യമന്ത്രിയും സ്റ്റാലിന്‍റെ പിതാവുമായ എം കരുണാനിധിയുടെ പ്രതിമ അനാച്ഛാദന ചടങ്ങിലേക്ക് ക്ഷണിക്കാനാണ് സ്റ്റാലിന്‍ കെജ്‍രിവാളിനെ സന്ദര്‍ശിച്ചത്.

ഡിസംബര്‍ 16നാണ് കരുണാനിധിയുടെ പ്രതിമ അനാച്ഛാദനം ചെയ്യുന്നത്. ഇതിന്‍റെ ഭാഗമായി എന്‍സിപി അധ്യക്ഷന്‍ ശരത് പവാറുമായും സ്റ്റാലിനും സംഘവും കൂടിക്കാഴ്ച നടത്തിയിരുന്നു. ഞായറാഴ്ച കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുമായും യുപിഎ അധ്യക്ഷ സോണിയാ ഗാന്ധിയുമായും സ്റ്റാലിന്‍ കൂടിക്കാഴ്ച നടത്തിയിരുന്നു.