മോദിവിമര്‍ശകനായ ബിജെപി എംപി രാജിവെച്ചു

ന്യൂഡൽഹി: പ്രധാനമന്ത്രി നരേന്ദ്ര മോദിയുട വിമര്‍ശകനും മഹാരാഷ്ട്രയിൽ നിന്നുള്ള ബിജെപി എംപിയുമായ നാന പട്ടോള്‍ പാര്‍ട്ടിസ്ഥാനങ്ങളും എംപി സ്ഥാനവും രാജിവെച്ചു. എംപി സ്ഥാനം രാജിവെച്ചതറിയിച്ച് ലോക്സഭാ സ്പീക്കര്‍ സുമിത്ര മഹാജന് നാന പട്ടോള്‍ കത്തയച്ചു. 2014ലായിരുന്നു നാന പട്ടോള്‍ ബിജെപിയിൽ ചേര്‍ന്നത്.

ഭണ്ഡാര - ഗോണ്ഡിയ മണ്ഡലത്തിൽ നിന്ന് എൻസിപി നേതാവ് പ്രഫുൽ പട്ടേലിനെ പരാജയപ്പെടുത്തിയാണ് പട്ടോള്‍ ലോക്സഭയിലെത്തിയത്. കര്‍ഷകരുടെ പ്രശ്നങ്ങള്‍ ഉള്‍പ്പെടെ വിവിധ വിഷയങ്ങളിൽ ബിജെപിയുമായി എതിര്‍പ്പിലായിരുന്നു നാന പട്ടോള്‍. രാജിയ്ക്കു കാരണമായി 14 കാര്യങ്ങളാണ് പട്ടോള്‍ സുമിത്ര മഹാജന് എഴുതിയ കത്തിൽ ചൂണ്ടിക്കാട്ടിയത്. നരേന്ദ്ര മോദിയോട് പ്രശ്നങ്ങള്‍ അവതരിപ്പിച്ചെങ്കിലും അവഗണിക്കപ്പെടുകയായിരുന്നുവെന്നും പട്ടോള്‍ ആരോപിച്ചു.