നേപ്പാളിന് ഇന്ത്യയുടെ സമ്മാനം പശുപതി ധര്‍മശാല ഇന്നു കൈമാറും

കാഠ്മണ്ഡു: നേപ്പാളിനുള്ള ഇന്ത്യയുടെ സമ്മാനമായ പശുപതിനാഥ് ധര്‍മശാല പ്രധാനമന്ത്രി നരേന്ദ്ര മോദി ഇന്ന് ഉദ്ഘാടനം ചെയ്യും. പശുപതിനാഥ ക്ഷേത്രദര്‍ശനത്തിനെത്തുന്ന ഭക്തര്‍ക്ക് വിശ്രമത്തിനും താമസത്തിനുമായി പശുപതിനാഥ് ക്ഷേത്രത്തിന് സമീപമാണ് 400 കിടക്കകളുള്ള താമസസ്ഥലം ഇന്ത്യ നേപ്പാളിനുവേണ്ടി നിര്‍മിച്ചത്. ഉദ്ഘാടനത്തിനുശേഷം മന്ദിരം പശുപതി ഏരിയ ഡെവലപ്മെന്‍റ് ട്രസ്റ്റിന് കൈമാറും.

നേപ്പാള്‍ പ്രധാനമന്ത്രി കെ പി ശര്‍മ ഒലിയുമായി അദ്ദേഹം കൂടിക്കാഴ്ച നടത്തും. കാഠ്‍‍മണ്ഡുവിൽ നടക്കുന്ന രണ്ട് ദിവസത്തെ ബേ ഓഫ് ബംഗാള്‍ ഇനീഷ്യേറ്റീവ് ഫോര്‍ മള്‍ട്ടി സെക്ടറൽ ടെക്നിക്കൽ ആന്‍ഡ് ഇക്കണോമിക് കോഓപ്പറേഷൻ (ബിംസ്ടെക്) ഉച്ചകോടിയിൽ പങ്കെടുക്കാനാണ് പ്രധാനമന്ത്രി നേപ്പാളിലെത്തിയത്.