കൈവശം കരുതാവുന്ന പണത്തിന്‍റെ പരിധി ഒരു കോടിയാക്കാൻ ശുപാര്‍ശ

അഹമ്മദാബാദ്: ജനങ്ങള്‍ക്ക് കൈവശം പണമായി കരുതാവുന്ന തുകയുടെ പരിധി ഒരു കോടി രൂപയാക്കാൻ കേന്ദ്രസര്‍ക്കാരിന് മുന്നിൽ ശുപാര്‍ശ. കള്ളപ്പണം തടയുന്നതിനുള്ള പ്രത്യേക അന്വേഷണസംഘത്തിന്‍റേതാണ് ശുപാര്‍ശ.

നേരത്തെ കൈവശം വയ്ക്കാവുന്ന പരമാവധി പണം 20 ലക്ഷം രൂപ എന്ന ശുപാര്‍ശ അന്വേഷണസംഘം മുന്നോട്ടുവെച്ചിരുന്നു. എന്നാൽ ഇത് തീരെ കുറഞ്ഞ തുകയായതിനാലാണ് ഒരു കോടിയായി ഉയര്‍ത്തിയത്. അതേസമയം, നിശ്ചിതപരിധിയ്ക്ക് മുകളിൽ പണം കണ്ടെത്തിയാൽ തുക പൂര്‍ണമായും ഖജനാവിലേയ്ക്ക് കണ്ടുകെട്ടാനും ശുപാര്‍ശ ചെയ്തിട്ടുണ്ടെന്ന് അന്വേഷണസംഘത്തിന്‍റെ തലവൻ ജസ്റ്റിസ് (റിട്ട) എം ബി ഷാ പറഞ്ഞു.

പിടിച്ചെടുക്കുന്ന പണത്തിന്‍റെ 40 ശതമാനം ആദായനികുതിയും പിഴയും ഒടുക്കിയാൽ മതിയെന്നാണ് നിലവിലുള്ള നിയമം.