സ്ത്രീയുടെ സവിശേഷത മാതൃത്വമെന്ന് ആർഎസ്എസ് വനിത നേതാവ്

ന്യൂഡൽഹി: ആണത്തം പുരുഷന്‍റെ സവിശേഷതയും മാതൃത്വം സ്ത്രീയുടെ സവിശേഷതയുമെന്ന് ആർഎസ്എസ് വനിത വിങ്ങായ രാഷ്ട്രീയ സേവികാ സമിതി കാര്യവാഹിക ചന്ദ്രലേഖ. കുടുംബത്തെ യോജിപ്പിച്ചു നിർത്തുന്നത് സ്ത്രീയുടെ ഉത്തരവാദിത്തമാണെന്ന് അവർ പറഞ്ഞു. ഡൽഹിയിലെ വിവിധ സ്‌കൂളുകളിൽ പഠിക്കുന്ന 50 ഓളം പെൺ കുട്ടികൾക്ക് ആയോധന പരിശീലനക്കളരി നടത്തിയിരുന്നു.

രാഷ്ട്രീയ സേവികാ സമിതിയുടെ നേതൃത്വത്തിലായിരുന്നു പരിശീലനം. പരിശീലനത്തിന്‍റെ സമാപന സമ്മേളനത്തിൽ സംസാരിക്കുകയായിരുന്നു ചന്ദ്രലേഖ. തകർന്ന് ക്ഷയിച്ചു പോയ കുടുംബങ്ങളിൽ എങ്ങനെ സമാധാനം കൊണ്ട് വരാമെന്ന് സമിതി പെൺകുട്ടികളെ പഠിപ്പിക്കുമെന്നും അവർ പറഞ്ഞു. നല്ല അമ്മ ആകുകയാണ് ഒരു സ്ത്രീയുടെ പരമമായ ലക്ഷ്യം. ഒരാളെ വിശുദ്ധനും വിനാശകാരിയും ആക്കാൻ അമ്മക്ക് സാധിക്കുമെന്നും ചന്ദ്രലേഖ പറഞ്ഞു.

Motherhood is the speciality of women, says RSS woman leader