മധ്യപ്രദേശ് മുൻ മുഖ്യമന്ത്രിയും മുതിർന്ന കോൺഗ്രസ് നേതാവുമായ മോത്തിലാൽ വോറ അന്തരിച്ചു

ന്യൂഡല്‍ഹി: മുതിര്‍ന്ന കോണ്‍ഗ്രസ് നേതാവും മധ്യപ്രദേശ് മുൻ മുഖ്യമന്ത്രിയുമായ മോത്തിലാല്‍ വോറ (93) അന്തരിച്ചു. ഡല്‍ഹിയില്‍ ഫോര്‍ട്ടിസ് എസ്‌കോര്‍ട്ട് ആശുപത്രിയിലായിരുന്നു അന്ത്യം. മൂത്രാശയത്തിലുണ്ടായ അണുബാധയെ തുട‍ര്‍ന്ന് കഴിഞ്ഞദിവസമാണ് മോത്തിലാൽ വോറയെ ആശുപത്രിയിൽ പ്രവേശിപ്പിച്ചത്.

ശ്വാസകോശ സംബന്ധമായ അസുഖങ്ങളും മോത്തിലാൽ വോറയ്ക്ക് ഉണ്ടായിരുന്നു. ആശുപത്രിയിൽ വെന്‍റിലേറ്ററിൽ കഴിയവെയാണ് മരണം സംഭവിച്ചതെന്ന് കുടുംബാംഗങ്ങൾ പറഞ്ഞു.

ബിജെപിയ്ക്ക് തൃണമൂലിന്‍റെ 'സർജിക്കൽ സ്ട്രൈക്ക്'; ബിജെപി എംപിയുടെ ഭാര്യ തൃണമൂൽ കോൺഗ്രസിൽ ചേർന്നു

ഒക്ടോബറിൽ കൊവിഡ് രോഗബാധയെത്തുടർന്ന് ചികിത്സയിലായിരുന്ന ഇദ്ദേഹം പിന്നീട് രോഗമുക്തി നേടിയിരുന്നു. മധ്യപ്രദേശ് മുൻ മുഖ്യമന്ത്രിയായിരുന്ന ഇദ്ദേഹം കഴിഞ്ഞ ഏപ്രിൽ വരെ രാജ്യസഭാ അംഗവുമായിരുന്നു. കഴിഞ്ഞ പാർട്ടി പുനഃസംഘടനവരെ വരെ എഐസിസി ജനറല്‍ സെക്രട്ടറിയുമായിരുന്നു വോറ.

1985 മുതൽ 1988 വരെ മൂന്നു വർഷക്കാലമാണ് മോത്തിലാൽ വോറ മധ്യപ്രദേശ് മുഖ്യമന്ത്രിയായിരുന്നത്. 1993 മുതൽ 1996 വരെ ഉത്തർപ്രദേശ് ഗവർണറായും സേവനമനുഷ്ഠിച്ചു. സംസ്കാര ചടങ്ങുകൾ ഛത്തിസ്ഗഢിലാണ് നടക്കുക.


കോൺഗ്രസ് നേതാവിന്‍റെ നിര്യാണത്തിൽ പ്രധാനമന്ത്രി നരേന്ദ്ര മോദി, കോൺഗ്രസ് നേതാവ് രാഹുൽ ഗാന്ധി തുടങ്ങിയവർ അനുശോചനം അറിയിച്ചു.