ആംബുലന്‍സ് നിഷേധിച്ചു, യുവതി ബസിനുള്ളില്‍ പ്രസവിച്ചു

ഛത്തര്‍പൂര്‍: മദ്ധ്യപ്രദേശില്‍ ബസിനുള്ളില്‍ യുവതി കുഞ്ഞിനു ജന്മം നല്‍കി. ഛത്തര്‍പൂരിലെ കമ്യൂണിറ്റി ഹോസ്പിറ്റലില്‍ നിന്നും ഇവരെ ജില്ലാ ആശുപത്രിയിലേയ്ക്ക് പറഞ്ഞയച്ചതായിരുന്നു.

കടുത്ത വേദന കൊണ്ട് പുളയുകയായിരുന്ന യുവതിയ്ക്ക് വാഹന സൗകര്യം നല്‍കാന്‍ പോലും ആശുപത്രി അധികൃതര്‍ തയ്യാറായില്ല. ഇവിടെ നിന്നും ബസില്‍ ആശുപത്രിയിലേയ്ക്ക് പോകും വഴിയാണ് ഓടിക്കൊണ്ടിരിക്കുന്ന ബസില്‍ യുവതി കുഞ്ഞിനു ജന്മം നല്‍കിയത്.

ഛത്തീസ്ഗഡിലെ ജാഷ്പൂരിലും വ്യാഴാഴ്ച സമാനമായ സംഭവം നടന്നിരുന്നു. തൊഴിലാളിയായ ഒരു സ്ത്രീ ആശുപത്രിയിലേയ്ക്ക് നടന്നു പോകും വഴി കുഞ്ഞിനു ജന്മം നല്‍കുകയും ഈ കുഞ്ഞ് മരിക്കുകയും ചെയ്തിരുന്നു.