ആദര്‍ശ് അഴിമതി: അശോക് ചവാനെ പ്രോസിക്യൂട്ട് ചെയ്യുന്നത് കോടതി തടഞ്ഞു

മുംബൈ: ആദര്‍ശ് ഫ്ലാറ്റ് അഴിമതിക്കേസിൽ മുൻ മഹാരാഷ്ട്ര മുഖ്യമന്ത്രി അശോക് ചവാനെ പ്രോസിക്യൂട്ട് ചെയ്യുന്നത് തടങ്ങു. മുംബൈ ഹൈക്കോടതിയാണ് പ്രോസിക്യൂഷൻ തടഞ്ഞത്. നേരത്തെ ഗവര്‍ണര്‍ വിദ്യാസാഗര്‍ റാവു ചവാനെ പ്രോസിക്യൂട്ട് ചെയ്യാൻ അനുമതി നല്‍കിയത് ചോദ്യം ചെയ്തുള്ള ഹര്‍ജിയിലാണ് ഹൈക്കോടതി വിധി.

കേസ് അന്വേഷിച്ച സിബിഐയ്ക്ക് പുതുതായി തെളിവുകളൊന്നും ഹാജരാക്കാൻ കഴിഞ്ഞില്ലെന്ന് കോടതി വ്യക്തമാക്കി.

ഫഡ്നാവിസ് സര്‍ക്കാരിന്‍റെ നിര്‍ദേശപ്രകാരം കഴിഞ്ഞ ഫെബ്രുവരിയിലായിരുന്നു ചവാനെ പ്രോസിക്യൂട്ട് ചെയ്യാൻ അനുമതി നല്‍കിയത്.