ICAI പ്രസിഡന്‍റിന്‍റെ മകളുടെ മൃതദേഹം റെയില്‍വേ പാളത്തില്‍

മുംബൈ : ഇന്‍സ്റ്റിറ്റ്യൂട്ട് ഓഫ് ചാര്‍ട്ടേര്‍ഡ് അക്കൗണ്ടന്റ്‌സ് ഓഫ് ഇന്ത്യ (ICAI) പ്രസിഡന്റിന്റെ മകളെ മരിച്ച നിലയില്‍ കണ്ടെത്തി. നിലേഷ് വികാംസേയുടെ മകള്‍ പല്ലവി വികാംസെയുടെ മൃതദേഹം റെയില്‍വേ ട്രാക്കിലാണ് കണ്ടെത്തിയത്. മുംബൈ പരേല്‍-കുറി റോഡ് സ്‌റ്റേഷനുകള്‍ക്കിടയിലാണ് യുവതിയുടെ മൃതശരീരം കാണപ്പെട്ടത്. ദക്ഷിണ മുംബൈയില്‍ ഒരു നിയമകാര്യ സ്ഥാപനത്തില്‍ ഇന്റേണ്‍ഷിപ്പ് ചെയ്ത് വരികയായിരുന്നു പല്ലവി.

കഴിഞ്ഞ ദിവസം മുതല്‍ പല്ലവിയെ കാണ്മാനില്ലായിരുന്നു.പെണ്‍കുട്ടി ബുധനാഴ്ച സിഎസ്എംടി റെയില്‍വേ സ്റ്റേഷനില്‍ ഉണ്ടായിരുന്നതായി വിവരം ലഭിച്ചിരുന്നെങ്കിലും വീട്ടിലേക്ക് മടങ്ങിയെത്തിയിരുന്നില്ല. വീട്ടുകാരുടെ പരാതിയില്‍ പൊലീസ് തിരച്ചില്‍ നടത്തുന്നതിനിടെയാണ് മൃതദേഹം റെയില്‍വേ ട്രാക്കില്‍ നിന്ന് കണ്ടെത്തിയത്.റെയില്‍ പാളത്തില്‍ ഒരു യുവതിയുടെ ശവശരീരം കണ്ടതായി പരേല്‍ റെയില്‍വേ സ്റ്റേഷനില്‍ വിവരം ലഭിക്കുകയായിരുന്നു.

ഇതേ തുടര്‍ന്നുള്ള പരിശോധനയിലാണ് ഇത് പല്ലവിയാണെന്ന് തിരിച്ചറിഞ്ഞത്. ശരീരമാസകലം ക്ഷതമേറ്റ നിലയിലാണ് മൃതദേഹം.യുവതിയുടെ ദുരൂഹ മരണത്തില്‍ പൊലീസ് അന്വേഷണമാരംഭിച്ചു. ഐസിഎഐ അദ്ധ്യക്ഷന്‍ നികേഷ് വികാംസേയുടെ രണ്ടുമക്കളില്‍ ഇളയതാണ് പല്ലവി.

ICAI president's daughter found dead

Mumbai: ICAI President's daughter found dead on railway tracks.