ടിക്കറ്റിനായി 1333 രൂപയ്ക്ക് പകരം അടക്കേണ്ടി വന്നത് 1.3 ലക്ഷം

മുംബൈ: രാജ്യത്തെ റെയിൽവേ സ്റ്റേഷനുകളിൽ ഇ-പേയ്മെൻറ് സംവിധാനം ഉണ്ടെങ്കിലും ചിലപ്പോഴൊക്കെ അത് കാരണമുണ്ടാവുന്ന പ്രശ്നങ്ങൾ ചില്ലറയല്ല. മുംബൈയിലെ ഒരു റെയിൽവേ സ്റ്റേഷൻ ഒരാൾക്ക് കൊടുത്തത് മുട്ടൻ പണിയാണ്. ക്രെഡിറ്റ് കാർഡ് ഉപയോഗിച്ച് പണം അടച്ചു എന്നത് മാത്രമാണ് മുംബൈ സ്വദേശിയായ വികാസ് മഞ്ജരേക്കർ ചെയ്ത കുറ്റം !!!

ഫസ്റ്റ് ക്ലാസ്സിൽ യാത്ര ചെയ്യുവാൻ വേണ്ടി ഒരു പാസ്സിനായാണ് വികാസ് അപേക്ഷിച്ചത്. ഇതിനായി അടക്കേണ്ടിയിരുന്ന തുക 1333 രൂപ. പക്ഷേ വികാസിൻെറ ക്രെഡിറ്റ് കാർഡിൽ നിന്ന് പോയ തുക വെറും ഒരു ലക്ഷത്തി മുപ്പത്തി മൂവായിരത്തി മുന്നൂറ്റി മുപ്പത് രൂപ മാത്രം. റെയിൽവേ സ്റ്റേഷനിലെ ക്ലർക്ക് 1333 രൂപയ്ക്ക് പകരം 133330 അടിച്ചു. ഇതാണ് സംഭവിച്ചത്. മുംബെയിലെ അന്ധേരി - ബോറിവിൽ സെക്ടർ റെയിൽവേ ബുക്കിങ് കൗണ്ടറിലാണ് സംഭവം.

കാർഡിൽ നിന്ന് ഇത്രയും പണം പോയം സംഭവം അറിഞ്ഞയുടൻ വികാസ് അധികൃതർക്ക് പരാതി നൽകി. ബാങ്കിനെയും ഇക്കാര്യം ഉടൻ തന്നെ അറിയിച്ചു. പണം പോയത് ക്രെഡിറ്റ് കാർഡിൽ നിന്നായതിനാൽ
ഇത്രയും പണം എടുത്തതിന് ഏകദേശം 5000 രൂപ പലിശ അടക്കേണ്ട അവസ്ഥയിലാണ് വികാസ് ഇപ്പോൾ. സംഭവവുമായി ബന്ധപ്പെട്ട് ഉത്തരവാദിയായ ക്ലർക്കിനെതിരെ നടപടിയുണ്ടാവുമെന്ന് റെയിൽവേ അധികൃതർ അറിയിച്ചു.

Railway station charges 1.3lakh instead of Rs 1333 by mistake

A ticket clerk in Mumbai's Andheri-Borivli sector Railway station charged 1.3lakh instead of Rs 1333 from a customer by mistake.