മുംബൈ നഗരത്തിലെ ചേരികളില്‍ താമസിക്കാന്‍ താല്‍പര്യമുണ്ടോ? ഒരു പുതിയ ടൂറിസം പാക്കേജ് ഒരുങ്ങുകയാണ്. മുംബൈയിലെ ചേരികളില്‍ ഒരു രാത്രി താമസിക്കാം. മുംബൈയെക്കുറിച്ചുള്ള യാഥാര്‍ഥ്യം അറിയാം. 50 പേര്‍ ഉപയോഗിക്കുന്ന പബ്ലിക് ടോയ്‍ലറ്റ് ഉപയോഗിക്കാമെന്നും പാക്കേജിലുണ്ട്.
ഈ സൗകര്യങ്ങള്‍ക്കെല്ലാംകൂടി നല്‍കേണ്ടത് 2000 രൂപ വാടകയാണ്.
ഡച്ച് പൗരനായ ഡേവിഡ് ബിജല്‍ ആണ് പദ്ധതി ആവിഷ്‍കരിച്ചത്. മുംബൈയില്‍ പ്രവര്‍ത്തിക്കുന്ന സന്നദ്ധപ്രവര്‍ത്തകനാണ് ബിജല്‍. ടൂറിസ്റ്റുകള്‍ നല്‍കുന്ന പണം അവര്‍ താമസിക്കുന്ന വീട്ടുകാര്‍ക്ക് നല്‍കുമെന്നാണ് ബിജല്‍ പറയുന്നത്.
ഫേസ്‍ബുക്കില്‍ ഫോട്ടോകളിടാന്‍ മാത്രമാണ് മുംബൈ ചേരികളില്‍ ആളുകള്‍ വരുന്നത്. അതിന് പകരം ചേരിയെ അടുത്തറിയുക എന്നതാണ് പാക്കേജിന്‍റെ ലക്ഷ്യമെന്ന് ബിജല്‍ ബ്രിട്ടീഷ് ദിനപത്രം ദി ഗാര്‍ഡിയനോട് പറഞ്ഞു.
പദ്ധതിക്ക് എതിരെ വിമര്‍ശനങ്ങളാണ് കൂടുതല്‍. ദാരിദ്രം വില്‍ക്കുന്ന പരിപാടിയാണ് ഇതെന്നാണ് വിവിധ സന്നദ്ധ സംഘടനകള്‍ വിമര്‍ശിക്കുന്നത്. ചേരികളെക്കുറിച്ചുള്ള കാഴ്‍ച്ചപ്പാട് മാറ്റിയെടുക്കാന്‍ ഇത്തരം പരിപാടികള്‍ ആവശ്യമാണെന്ന് കരുതുന്നവരുമുണ്ട്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
