പ്രശസ്ത വനിതാബൈക്കര്‍ അപകടത്തില്‍ കൊല്ലപ്പെട്ടു

മുംബൈ: മുംബൈ -അഹമ്മദാബാദ് ഹൈവേയില്‍ നടന്ന വാഹനാപകടത്തില്‍ പ്രസസ്ത് ബൈക്കറും 'ദി ബൈക്കര്‍ണി' എന്ന വനിതാ ബൈക്കര്‍ ക്ലബിന്റെ സ്ഥാപകയുമായ ജാഗൃതി വിരാജ് ഹോഗലെ (34) കൊല്ലപ്പെട്ടു. ലേയിലേക്കും ലഡാക്കിലേക്കുമടക്കം നിരവധി ബൈക്ക് റൈഡുകള്‍ സംഘടിപ്പിച്ച ഹോഗലെ ഇന്ത്യയിലെ തന്നെ അറിയപ്പെടുന്ന വനിതാ ബൈക്കര്‍മാരിലൊരാളാണ്.

മുംബൈ ബാന്ദ്രയില്‍ ഭര്‍ത്താവിനും മകനുമൊപ്പം താമസിക്കുന്ന ഹോഗലെ സുഹൃത്തുകളോടൊപ്പം ജവഹറില്‍ വാരാന്ത്യം ചെലവിടാന്‍ എത്തിയതിനിടെയാണ് അപകടം സംഭവിച്ചത്. ബൈക്കോടിക്കവേ ട്രക്കിനെ മറികടന്ന ഹോഗലെ കനത്ത മഴ കാരണം റോഡിലുണ്ടായിരുന്ന കുഴി കാണാത്തതാകാം അപകടകാരണമെന്ന് പ്രാഥമിക നികമനം. ഗര്‍ത്തമൊഴിവാക്കാന്‍ ബൈക്ക് വെട്ടിക്കുന്നതിനിടെ ട്രക്കിനടിയിലേക്ക് തെറിച്ചുപോയ ഹോഗലെ ട്രക്കിന്റെ ടയര്‍ കയറിയാണ് മരിച്ചതെന്ന് പോലീസ് പറഞ്ഞു. സംഭവസ്ഥലത്തവച്ച്തന്നെ ഹോഗലെ മരണമടയുകയായിരുന്നു.

കനത്ത മഴയും റോഡിലെ കുഴികളും മഹാരാഷ്ട്രയില്‍ അപകടങ്ങള്‍ പതാവാക്കിയിരിക്കുകയാണ്. വിമര്‍ശനത്തെത്തുടര്‍ന്ന് മഹാരാഷ്ട്ര പൊതുമരാമത്ത് മന്ത്രി ചന്ദ്രകാന്ത് പാട്ടീല്‍ മുംബൈ മുനിസിപ്പല്‍ കോര്‍പറേഷനോട് വിശദമായ റിപ്പോര്‍ട്ട് ആവശ്യപ്പെട്ടു. റോഡ് നിയമങ്ങള്‍ പാലിക്കാത്തതും ഹെല്‍മെറ്റ് ധരിക്കാത്തതും അപകടത്തിന്റെ കാഠിന്യം കൂട്ടിയെന്ന് പോലീസ് പറഞ്ഞു.

Mumbai woman biker tries to avoid pothole, gets crushed by truck

Jagruti Viraj Hogale, 34, and two other women were heading from Bandra to Jawhar, a popular tourist spot know for its waterfalls, on a weekend getaway, said Mumbai police.