ജെഎൻയു വിദ്യാര്‍ഥിനേതാവ് ഉമര്‍ ഖാലിദിന് നേര്‍ക്ക് വധശ്രമം

ന്യൂഡൽഹി: ജെഎൻയു വിദ്യാര്‍ഥിനേതാവ് ഉമര്‍ ഖാലിദിന് നേര്‍ക്ക് വധശ്രമം. അക്രമി വെടിയുതിര്‍ത്തെങ്കിലും ഉമര്‍ ഖാലിദ് അത്ഭുതകരമായി രക്ഷപെട്ടതായി പിടിഐ റിപ്പോര്‍ട്ട് ചെയ്തു.


ഡൽഹി റാഫി മാര്‍ഗിലെ കോൺസ്റ്റിറ്റ്യൂഷൻ ക്ലബ് ഗേറ്റിനു സമീപമായിരുന്നു സംഭവം. സ്ഥലത്തു നിന്ന് വെടിയൊച്ച കേട്ടതായി ദൃക്സാക്ഷികള്‍ പറഞ്ഞതായി ഏഷ്യാനെറ്റ് ന്യൂസ് റിപ്പോര്‍ട്ട് ചെയ്തു. ഉയര്‍ന്ന സ്ഥലത്തു നിന്ന് അക്രമി ഉമറിന് നേര്‍ക്ക് വെടിയുതിര്‍ത്തതായും എന്നാൽ തിക്കിലും തിരക്കിലും പെട്ട് ഉമര്‍ നിലത്തു വീണതിനാൽ വെടിയേൽക്കാതെ രക്ഷപെടുകയായിരുന്നുവെന്നുമാണ് റിപ്പോര്‍ട്ട്.


സംഭവത്തെപ്പറ്റി ഫേസ്ബുക്കിൽ പ്രത്യക്ഷപ്പെട്ട പോസ്റ്റ്

സ്ഥലത്തു നിന്ന് പോലീസ് തോക്ക് കണ്ടെടുത്തു. എന്നാൽ അക്രമി സ്ഥലത്തു നിന്ന് രക്ഷപെട്ടു. സ്ഥലത്ത് പോലീസ് പരിശോധന നടത്തുകയാണ്.