മയക്കുമരുന്ന് കേസ് തന്‍റെ ഇമേജ് തകര്‍ത്തെന്ന് ചാര്‍മി

ഹൈദരാബാദ്: തെലുങ്ക് നടീനടന്മാരുമായി ബന്ധപ്പെട്ട മയക്കുമരുന്ന് കേസ് തന്‍റെ ഇമേജ് തകര്‍ത്തെന്ന് നടി ചാര്‍മി കൗര്‍. ഹൈദരാബാദ് ഹൈക്കോടതിയിലാണ് ചാര്‍മി ഇക്കാര്യം അറിയിച്ചത്.

ബുധനാഴ്‍ച പ്രത്യേക അന്വേഷണ സംഘം തന്നെ ചോദ്യം ചെയ്യുന്നത് തന്‍റെ വക്കീലിന്‍റെ സാന്നിധ്യത്തിലായിരിക്കണമെന്ന് ചാര്‍മി കോടതിയോട് ആവശ്യപ്പെട്ടു. വിവാഹം കഴിക്കാത്ത, യുവതിയായ നടി എന്ന നിലയില്‍ മയക്കുമരുന്ന് കേസ് തന്‍റെ സല്‍പ്പേര് തര്‍ത്തു.

മയക്കുമരുന്നിന്‍റെ അംശം കണ്ടെത്താന്‍ തന്‍റെ രക്തം, നഖം, മുടി എന്നിവയുടെ സാമ്പിളുകള്‍ ശേഖരിച്ചതിന്‍റെ നിയമസാധുതയും നടി ഹൈക്കോടതിയില്‍ ചോദ്യം ചെയ്‍തിട്ടുണ്ട്. ചാര്‍മി ഉള്‍പ്പെടെ 12 നടീനടന്മാരെക്കുറിച്ചാണ് പ്രത്യേക സംഘം അന്വേഷിക്കുന്നത്. ചോദ്യം ചെയ്യലിന് ഹാജരാകാന്‍ ഇവര്‍ക്ക് നോട്ടീസ് നല്‍കിയിട്ടുണ്ട്.

കാല്‍വിന്‍ മസ്‍കരാനസ് എന്ന മയക്കുമരുന്ന് സംഘത്തലവനെ പിടികൂടിയപ്പോളാണ് നടീനടന്മാരിലേക്ക് അന്വേഷണം നീണ്ടത്. മസ്‍കരാനസിന്‍റെ മൊബൈലില്‍നിന്ന് ഇവരുടെ നമ്പറുകള്‍ കണ്ടെടുത്തതോടെയാണ് ഇവരും അന്വേഷണപരിധിയിലായത്.

'My Image Being Damaged,' Says Actor Charmme Kaur To Be Questioned In Drug Case

Actor Charmme Kaur, who is among a dozen top actors being investigated in a massive drug racket busted earlier this month, has told the Hyderabad High Court that she wants her lawyer to be present when she is questioned by investigators on Wednesday.