രാജ്യ സഭാ സീറ്റ് നിരസിച്ചത് ഭാര്യ പറഞ്ഞതിനാല്‍: രഘുറാം രാജന്‍

ന്യൂഡൽഹി: രാഷ്ട്രീയത്തില്‍ പ്രവേശിക്കേണ്ടെന്ന് ഭാര്യ പറഞ്ഞതിനാലാണ് ആം ആദ്മി പാര്‍ട്ടി മുന്നോട്ടു വെച്ച രാജ്യ സഭാ സീറ്റ് വാഗ്ദാനം താന്‍ നിരസിച്ചതെന്ന് മുന്‍ ആര്‍ ബി എെ ഗവര്‍ണര്‍ രഘുറാം രാജന്‍. ന്യൂഡല്‍ഹിയില്‍ ടൈം ലിറ്റ് ഫെസ്റ്റില്‍ സംസാരിക്കുകായയിരുന്നു അദ്ദേഹം.

''ഒരു പ്രൊഫസറായിരിക്കാനാണ് ഞാന്‍ ആഗ്രഹിക്കുന്നത്. ഞാന്‍ ​അതില്‍ തീര്‍ത്തും സന്തുഷ്ടനാണ്. എനിക്ക് രാജ്യ സഭാ സീറ്റ് വാഗ്ദാനം ചെയ്തിരുന്നോ എന്ന കാര്യത്തില്‍ ഞാന്‍ അഭിപ്രായം പറയുന്നില്ല''. രഘുറാം രാജന്‍ വ്യക്തമാക്കി.

രാഷ്ട്രീയത്തിലേക്ക് എന്നെങ്കിലും പ്രവേശിക്കുമോ എന്ന് ചോദിച്ചപ്പോള്‍ ഇല്ല എന്നാണ് തന്റെ ഉത്തരമെന്നും രാഷ്ട്രീയ പ്രവേശന വിഷയത്തില്‍ തന്റെ ഭാര്യ ആദ്യമേ എതിര്‍പ്പ് വ്യക്തമാക്കിയിട്ടുണ്ടെന്നും അദ്ദേഹം പറഞ്ഞു.