തെലങ്കാനയിലെ ദുരഭിമാനക്കൊലയ്ക്ക് ക്വട്ടേഷൻ ഒരു കോടി രൂപ

നൽഗോണ്ട: തെലങ്കാനയിലെ ദുരഭിമാനക്കൊലയുമായി ബന്ധപ്പെട്ട് കൊലയാളി ഉൾപ്പെടെ ഏഴ് പേരെ പോലീസ് അറസ്റ്റ് ചെയ്തു. പാക് ചാര സംഘടനയായ ഇന്റര്‍ സര്‍വീസസ് ഇന്റലിജന്‍സുമായി(ഐഎസ്ഐ) സംഘത്തിന് ബന്ധമുണ്ടെന്നാണ് പോലീസ് പറയുന്നത്. തെലങ്കാനയിലെ നൽഗോണ്ടയിൽ ഭാര്യയുടെ മുന്നില്‍വെച്ചാണ് യുവ എഞ്ചിനീയറായ പ്രണോയ് കുമാറിനെ ഒരു സംഘം വെട്ടിക്കൊന്നത്.

പട്ടികജാതിക്കാരനായ പ്രണോയ് കുമാർ ഉയർന്ന ജാതിക്കാരിയായ അമൃത വർഷിണിയെ പ്രണയിച്ച് വിവാഹം കഴിച്ചതാണ് ദുരഭിമാനക്കൊലയിലേക്ക് നയിച്ചത്. പെൺകുട്ടിയുടെ വീട്ടുകാർ ഒരു കോടി രൂപയ്ക്കാണ് കൊലപാതകത്തിന് ക്വട്ടേഷൻ നൽകിയതെന്ന് പോലീസ് പറഞ്ഞു.

പ്രണോയിയുടെ മരണത്തിന് പിന്നാലെ അമൃതവര്‍ഷിണി തന്നെയാണ് പിതാവിനും ബന്ധുക്കള്‍ക്കുമെതിരെ പരാതി നൽകിയത്.