കഴിഞ്ഞ 60 വര്‍ഷത്തില്‍ ഇന്ത്യയില്‍നിന്ന് ഒരു കണ്ടുപിടുത്തവും ഉണ്ടായില്ല

ബാംഗ്ലൂര്‍: കഴിഞ്ഞ 60 വര്‍ഷത്തില്‍ ഇന്ത്യയില്‍ നിന്ന് കാര്യമായ ഒരു കണ്ടുപിടുത്തവും ഉണ്ടായിട്ടില്ലെന്ന് ഇന്‍ഫോസിസ് സ്ഥാപകന്‍ എന്‍ആര്‍ നാരായണ മൂര്‍ത്തി. ബാംഗ്ലൂരിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സിലെ കോണ്‍വൊക്കേഷന്‍ ചടങ്ങില്‍ സംസാരിക്കുകയായിരുന്നു അദ്ദേഹം.

"ലോകത്ത് എല്ലാവര്‍ക്കും പരിചയമുള്ള എന്തെങ്കിലും കണ്ടുപിടുത്തം ഇന്ത്യക്കാര്‍ അടുത്തകാലത്ത് നടത്തിയിട്ടുണ്ടോ? ലോകത്താകമാനമുള്ള കോര്‍പ്പറേറ്റുകളുടെ ഉത്പാദനക്ഷമത വര്‍ധിപ്പിച്ച എന്തെങ്കിലും കണ്ടുപിടുത്തം ഇന്ത്യക്കാരുടേതായിട്ടുണ്ടോ? ലോകത്തെ സന്തോഷിപ്പിക്കുന്ന എന്തെങ്കിലും ആശയം ഇന്ത്യക്കാര്‍ സംഭാവന ചെയ്തിട്ടുണ്ടോ?" അദ്ദേഹം ചോദിച്ചു.

ഗ്ലോബല്‍ പൊസിഷനിങ് സിസ്റ്റം (ജിപിഎസ്), ബയോണിക് പ്രോസ്തെസിസ്, മൈക്രോ ചിപ്പ് തുടങ്ങിയ കണ്ടുപിടിത്തങ്ങളിലൂടെ കഴിഞ്ഞ 50 വര്‍ഷമായി മസാച്യുസാറ്റ് ഇന്‍സ്റ്റിറ്റ്യൂട്ട് ഓഫ് ടെക്നോളജി (എംഐടി) എന്നിവ എങ്ങനെയാണ് ലോകത്തിന് സംഭാവനകള്‍ നല്‍കിയതെന്ന് അദ്ദേഹം വിവരിച്ചു.

"ഏറെക്കുറെ അസാധ്യമെന്നു കരുതിയ കാര്യങ്ങള്‍ സാധിക്കാനായി അവര്‍ അസാമാന്യമായ ധൈര്യം കാണിച്ചു. പാശ്ചാത്യരാജ്യങ്ങളിലെ പല ഉന്നതവിദ്യാഭ്യാസ സ്ഥാപനങ്ങളിലെയും സ്ഥിതി സമാനമാണ്. എന്നാല്‍ കഴിഞ്ഞ 50 വര്‍ഷത്തിലധികമായി നമ്മുടെ ഐൈഎസ്‍സി, ഐഐടി തുടങ്ങിയ സ്ഥാപനങ്ങള്‍ സമൂഹത്തിനായി എന്ത് നല്‍കിയെന്ന് ചിന്തിക്കണം," അദ്ദേഹം പറഞ്ഞു.

Narayana Murthy Says There's Been No Great Invention In India In 60 Years

Infosys founder Narayan Murthy burst our bubble when he pointed out that there has been no great invention in India in the past 60 years that has become a household name globally.