2019ലും മോദി തന്നെ പ്രധാനമന്ത്രിയാകണമെന്ന് കങ്കണ

ന്യൂഡൽഹി: ഇന്ത്യയിൽ പ്രധാനമന്ത്രി സ്ഥാനത്ത് തുടരാൻ ഏറ്റവും യോഗ്യൻ നരേന്ദ്ര മോദിയാണെന്ന് ബോളിവുഡ് താരം കങ്കണ റണാവത്ത്. 2019ലെ പൊതുതെരഞ്ഞെടുപ്പിൽ ഏറ്റവും അര്‍ഹതപ്പെട്ട പ്രധാനമന്ത്രി സ്ഥാനാര്‍ഥിയും മോദിയാണെന്ന് കങ്കണ അഭിപ്രായപ്പെട്ടു.

മോദിയുടെ ചെറുപ്പകാലം ആസ്പദമാക്കി നിര്‍മിച്ച ഷോര്‍ട്ട് ഫിലിമിന്‍റെ പ്രദര്‍ശനത്തിനെത്തിയപ്പോഴായിരുന്നു കങ്കണയുടെ പ്രതികരണം. പുതിയ പ്രസ്താവനയോടെ രാഷ്ട്രീയപ്രവേശനസാധ്യതകള്‍ സജീവമാക്കിയിരിക്കുകയാണ് താരം. മുൻപും ബിജെപി അനുകൂല നിലപാടുകളുമായി കങ്കണ രംഗത്തെത്തിയിട്ടുണ്ട്.

ശരിയായ ഭരണം കാഴ്ച വെയ്ക്കാൻ അഞ്ച് വര്‍ഷം പോരെന്നും 2019ലും മോദി അധികാരത്തിലെത്തുമെന്നും കങ്കണ പറഞ്ഞു. മോദി പ്രധാനമന്ത്രി സ്ഥാനത്ത് എത്തിയത് മാതാപിതാക്കള്‍ വഴിയല്ലെന്നും അദ്ദേഹം അതിനായി കഠിനാധ്വാനം ചെയ്തെന്നും കങ്കണ അഭിപ്രായപ്പെട്ടു.

താൻ കടുത്ത ദേശീയവാദിയാണെന്നും രാജ്യസ്നേഹമില്ലെങ്കിൽ തന്‍റെ കാമുകനെ വരെ ഉപേക്ഷിക്കുമെന്നും കങ്കണ മുൻപ് പറഞ്ഞിരുന്നു.

മാതാപിതാക്കള്‍ കാരണമല്ല മോദി പ്രധാനമന്ത്രി സ്ഥാനത്ത് എത്തിയത്. അദ്ദേഹം അതിനായി കഠിനാധ്വാനം ചെയ്‌തെന്നും കങ്കണ കൂട്ടിച്ചേര്‍ത്തു. നേരത്തെയും ബി.ജെപി പ്രിയം കങ്കണ വെളിപ്പെടുത്തിയിരുന്നു. കടുത്ത ദേശീയവാദിയാണ് താനെന്നും രാജ്യസ്‌നേഹം ഇല്ലെന്ന് തെളിഞ്ഞാല്‍ തന്റെ കാമുകനെ വരെ ഉപേക്ഷിക്കുമെന്നുമായിരുന്നു കങ്കണ അന്ന് പറ‍ഞ്ഞത്.