തൊഴിലുറപ്പ് പദ്ധതിയിലെ ദിവസ കൂലി കൂട്ടി; കേരളത്തിൽ 20 രൂപ കൂടും

ന്യൂഡല്‍ഹി: ദേശീയ ഗ്രാമീണ തൊഴിലുറപ്പ് പദ്ധതിയുടെ വേതനം പുതുക്കി. 2022- 23 സാമ്പത്തിക വർഷത്തിലാണ് പുതുക്കിയ നിരക്ക് പ്രാബല്യത്തിൽ വരിക. കേന്ദ്രഭരണപ്രദേശങ്ങളിൽ അഞ്ച് ശതമാനത്തിൽ താഴെയും 10 സംസ്ഥാനങ്ങളിൽ അഞ്ച് ശതമാനത്തിൽ കൂടുതലും വർധനവാണ് രേഖപ്പെടുത്തിയിരിക്കുന്നത്. പുതിയ നിരക്ക് പ്രകാരം കേരളത്തിലെ തൊഴിലാളികൾക്ക് 20 രൂപയാണ് കൂലി വര്‍ധിക്കുക.മണിപ്പൂർ, മിസോറം, ത്രിപുര സംസ്ഥാനങ്ങളിലെ വേതനത്തിൽ മാറ്റമില്ല. ഏപ്രിൽ ഒന്ന് മുതൽ പുതുക്കിയ നിരക്ക് പ്രാബല്യത്തിൽ വന്നേക്കും. വേതനത്തില്‍ ഏറ്റവും കൂടുതല്‍ വര്‍ധനവ് ഗോവയിലാണ്. 21 രൂപയാണ് ഇവിടെ കൂട്ടിയത്. 7.14 ശതമാനത്തിന്‍റെ വർധനവാണ് ഗോവയിൽ തൊഴിലാഴികൾക്ക് ലഭിക്കുക. ഏറ്റവും കുറവ് വർധനവ് മേഘാലയയിലാണ്. 1.77 ശതമാനത്തിന്‍റെ വർധനവാണ് ഇവിടെ. സംസ്ഥാനത്ത് 226 രൂപ ലഭിച്ചിരുന്ന തൊഴിലാളികൾക്ക് ഇനി 230 രൂപയാണ് ലഭിക്കുക.

Also Read : 'ഒരു മിനിട്ട്' എന്നു പറഞ്ഞു പോയത് പോലീസ് വിളിച്ചിട്ട്, ആ വീഡിയോ പൂർണ്ണമല്ല, നടക്കുന്നത് കള്ള പ്രചാരണം: പ്രജീഷ്

കേരളം ഉൾപ്പെടെ 10 സംസ്ഥാനങ്ങളിലാണ് അഞ്ച് ശതമാനത്തിൽ കൂടുതൽ വേതന വർധനവ് ലഭിച്ചിരിക്കുന്നത്. ഹരിയാന, ഛത്തീസ്ഗഡ്, മധ്യപ്രദേശ്, ബിഹാർ, ജാർഖണ്ഡ്, ജമ്മു കശ്മീർ, ലക്ഷ്വദ്വീപ്, കേരള, കർണാടക, ഗോവ എന്നിവിടങ്ങളിലാണ് ഇത്. കേരളത്തിൽ 291 രൂപയായിരുന്ന കൂലി 311 ആയാണ് ഉയർന്നിരിക്കുന്നത്. കർണാടകയിൽ പുതുക്കിയ നിരക്ക് പ്രകാരം 209 രൂപയും, തമിഴ്നാട്ടിൽ 281 രൂപയും ലഭിക്കും.

Also Read : എഐസിസി ജനറൽ സെക്രട്ടറിയാകാൻ പ്രശാന്ത് കിഷോര്‍; 'മറ്റു നേതാക്കൾ എന്തു ചെയ്യും?' കോൺഗ്രസിൽ തിരക്കിട്ട ചര്‍ച്ചകൾ

നിലവില്‍ തൊഴിലുറപ്പ് പദ്ധതിയില്‍ ഏറ്റവും കൂടുതല്‍ കൂലി ലഭിക്കുന്നത് ഹരിയാനയിലാണ്, 331 രൂപ. ഏറ്റവും കുറവ് മധ്യപ്രദേശിലും ഛത്തീസ്ഗഢിലുമാണ്. 204 രൂപയാണ് ഈ സംസ്ഥാനങ്ങളിൽ. ഗുജറാത്ത് 239 രൂപ, യുപി 213 രൂപ, ഗോവ 315 രൂപ ആന്തമാൻ നിക്കോബാർ 308 രൂപ, ത്രിപുര 212രൂപ, ബിഹാർ 210 രൂപ, ജാർഖണ്ഡ് 210 രൂപ, ഛത്തീസ്ഡഡ് 204 രൂപ, മധ്യപ്രദേശ് 204 രൂപ എന്നിങ്ങനെയാണ് വിവിധ സംസ്ഥാനങ്ങളിൽ തൊഴിലുറപ്പ് പദ്ധതി പ്രകാരം ഇനി ലഭിക്കുന്ന കൂലി