Election Result Update: അമൃത്‍സര്‍ ഈസ്റ്റില്‍ സിദ്ദു ലീഡ് ചെയ്യുന്നു

ന്യൂഡല്‍ഹി: പഞ്ചാബില്‍ കോണ്‍ഗ്രസ് മുന്നേറ്റം തുടരുന്നതിനിടെ അമൃത്സര്‍ ഈസ്റ്റ് മണ്ഡലത്തില്‍ മുന്‍ ഇന്ത്യന്‍ ക്രിക്കറ്റ് താരം നവജ്യോത് സിങ് സിദ്ദു മുന്നേറുന്നു. കോണ്‍ഗ്രസ് സ്ഥാനാര്‍ത്ഥിയായ സിദ്ദു അകാലി ദൾ സ്ഥാനാര്‍ത്ഥി രാജേഷ് കുമാര്‍ ഹണി, ആം ആദ്‍മി സ്ഥാനാര്‍ത്ഥി സരബ്ജോത് സിങ് ധന്‍ജാല്‍ എന്നിവരെയാണ് പിന്നിലാക്കിയിരിക്കുന്നത്.

തെരഞ്ഞെടുപ്പിനു മുന്‍പ് ബിജെപിയില്‍നിന്ന് രാജിവെച്ച സിദ്ദു ആം ആദ്‍മി പാര്‍ട്ടിയില്‍ ചേരുമെന്ന് സൂചനകള്‍ ഉണ്ടായിരുന്നെങ്കിലും കോണ്‍ഗ്രസിനോടു ചേര്‍ന്നു പ്രവര്‍ത്തിക്കാനാണ് തീരുമാനിച്ചത്. കഴിഞ്ഞ ലോക്‍സഭാ തെരഞ്ഞെടുപ്പില്‍ അരുണ്‍ ജയ്‍റ്റ്ലിക്ക് മത്സരിക്കാനായി അമൃത്സര്‍ സീറ്റ് ഒഴിഞ്ഞു കൊടുക്കേണ്ടി വന്നതുമുതലാണ് സിദ്ദു പാര്‍ട്ടിയുമായി അകലാന്‍ തുടങ്ങിയത്.

Navjot Singh Sidhu leading from Amritsar East

Former cricketer and Congress leader Navjot Singh Sidhu is leading from Amritsar East