നക്സൽ ആക്രമണം; ഛത്തീസ്‍‍ഗഡിൽ പോലീസുകാരൻ കൊല്ലപ്പെട്ടു

രാജ്‍‍നന്ദഗോൺ: ഛത്തീസ്‍‍ഗഡിൽ നക്സലുകൾ പോലീസുകാരനെ വെടിവച്ചു കൊന്നു. രാജ്‍‍നന്ദഗോൺ ജില്ലയിലെ ബാഹ്നാഡിയിലാണ് ആക്രമണം നടന്നത്. അസിസ്റ്റന്‍റ് സബ് ഇൻസ്പെക്ടർ നർബാദ് ബോഗ (50) ആണ് കൊല്ലപ്പെട്ടത്.

റായ്‍‍പൂർ–നാഗ്‍‍പൂർ ഹൈവേയിൽ വാഹനാപകടമുണ്ടായെന്ന വിവരത്തെ തുടർന്ന് രക്ഷാപ്രവർത്തനത്തിനു പോവുകയായിരുന്ന പോലീസുകാർക്കു നേരെയാണ് വെടിവെയ്‍‍പ് നടന്നത്. സംഭവത്തെ തുടർന്ന് മേഖലയിൽ നക്സലുകൾക്കായി തെരച്ചിൽ വ്യാപിപ്പിച്ചതായി പോലീസ് അറിയിച്ചു.

Naxal Attack; Policemen killed in Chhattisgarh