22കാരന്‍റെ ധീരപ്രവൃത്തിയിൽ പുലി പിടിയിലായി

വീടിനുള്ളിൽ കയറിയ പുലിയെ 22കാരന്‍റെ ധീരപ്രവൃത്തി കൊണ്ട് പിടികൂടി. പന്ത്രണ്ട് മണിക്കൂർ നേരത്തെ പരിശ്രമത്തിനൊടുവിലായിരുന്നു പുലി പിടിയിലായത്. വാഴ്യാഴ്ചരാത്രിയിൽ ഉത്തർപ്രദേശ്-ദില്ലി അതിർത്തിയിലാണ് പുലിയിറങ്ങിയത്. ഗ്രാമവാസികളിൽ ചിലർക്ക് പുലിയുടെ അക്രമണത്തിൽ പരിക്കേറ്റിട്ടുണ്ട്. 14 വയസ്സുകാരൻ ഉൾപ്പടെ മൂന്ന് പേർക്ക് പരിക്കേറ്റു. രാത്രി ബൈക്കിൽ വരികയായിരുന്ന ഒരാളുടെ നേർക്ക് പുലി ചാടിവീണു. തുടർന്നായിരുന്നു ധരം സിങ് പ്രജാപതിയുടെ വീടിനകത്തേക്ക് ഓടികയറിയത്.


22കാരനായ അങ്കിതായിരുന്നു പുലിയെ തന്‍റെ അമ്മാവന്‍റെ വീട്ടിലേക്ക് ഓടിച്ചുകയറ്റിയത്. അങ്കിത് ഇപ്രകാരം ചെയ്തിലായിരുന്നുവെങ്കിൽ പുലി കൂടുതൽ ആളുകളെ അക്രമിക്കുമായിരുന്നു. പുലിയെ വീടിനകത്തേക്ക് ഓടിച്ചുകയറ്റി അങ്കിത് പുറത്ത് നിന്ന് വാതിൽപൂട്ടിയിട്ടു. എന്‍സിസിയില്‍ നിന്ന് ലഭിച്ച പരിശീലനമാണ് പുലിയെ പിടികൂടാൻ തുണച്ചതെന്നാണ് അങ്കിത് പറഞ്ഞത്. വന്യമൃഗങ്ങൾ ആൾപാർപ്പുള്ള ഇടങ്ങളിലേക്ക് എത്തികഴിഞ്ഞാൽ എങ്ങനെ പിടികൂടാമെന്നുള്ള പരിശീലനം ലഭിച്ചിരുന്നു. അതുപ്രകാരമാണ് തനിക്ക് പുലിയെ പിടികൂടാൻ സാധിച്ചതെന്ന് അങ്കിത് വ്യക്തമാക്കി.

സംഭവമറിഞ്ഞ് ഓടികൂടിയ നാട്ടുകള്‍ കോഴി കഷണങ്ങള്‍ വീട്ടിനകത്തേക്ക് എറിഞ്ഞുകൊടുത്തെങ്കിലും പുലി അതൊന്നും കഴിച്ചില്ല. ആളുകളുടെ ശബ്ദം കേട്ട് പുലിയും ഭയന്നിരുന്നു. സ്ഥലത്തെത്തിയ ഫോറസ്റ്റ് അധികൃതരും പോലീസും ചേർന്ന് വീടിന് പുറത്ത് പുലിക്കായി ഇരുമ്പ് കൂട് ഒരുക്കിവെച്ചു. ചുമരിൽ ദ്വാരമുണ്ടാക്കി ലാത്തികൊണ്ട് പോലീസുകാർ പുലിയെ പുറത്ത്ചാടിക്കാനുള്ള ശ്രമം നടത്തി. ഒടുവിൽ ഓടിരക്ഷപ്പെടാനായി പുറത്ത്ചാടിയെ പുലിയെ പിടികൂടി ഇരുമ്പുകൂട്ടിലടച്ചു. തുടർന്ന് മയക്ക് വെടിവെച്ച് ഫോറസ്റ്റ് അധികൃതർ പുലിയെ വനത്തിലേക്ക് കൊണ്ടുപോയി.

NCC training in college helped: Boy who locked leopard in room

A day after a leopard allegedly strayed into a house on the UP-Delhi border, leading to a wild chase by foresters, policemen and the district administration all through the night, officials from the forest department rescued the animal early Friday morning from inside the house it was locked inside.