ന്യൂഡൽഹി: മുത്തലാഖ് ബിൽ രാജ്യസഭയിൽ വോട്ടിനിട്ടാൽ ബില്ലിനെ എതിര്ത്ത് വോട്ട് ചെയ്യുമെന്ന് എൻഡിഎ സഖ്യകക്ഷിയായ ജനതാദള് യുണൈറ്റഡ് അറിയിച്ചു. മുത്തലാഖ് ബിൽ വലിയൊരു ജനവിഭാഗത്തെ ബാധിക്കുന്ന വിഷയമാണെന്ന് ജെഡിയു രാജ്യസഭാ എംപിയും ബിഹാര് ഘടകം അധ്യക്ഷനുമായ വസിഷ്ഠ നാരായൺ സിങ് പറഞ്ഞു. ബിൽ രാജ്യസഭയിൽ പാസാക്കാൻ തിരക്ക് കൂട്ടേണ്ടതില്ലെന്നും ബന്ധപ്പെട്ടവരുമായി സര്ക്കാര് കൂടിയാലോചനകള് നടത്തേണ്ടിയിരുന്നുവെന്നും അദ്ദേഹം അഭിപ്രായപ്പെട്ടു. ബിൽ പാര്ലമെന്റെ സെലക്ട് കമ്മിറ്റിയ്ക്ക് വിടണമെന്ന് പ്രതിപക്ഷം ആവശ്യപ്പെടുന്നിതിനിടെയാണ് ജെഡിയുവിന്റെ പ്രതികരണം.
രാജ്യസഭയിൽ മുൻതൂക്കമുള്ള പ്രതിപക്ഷം ബില്ലിനെതിരെ കടുത്ത നിലപാട് സ്വീകരിക്കുന്നതിനിടെ ജെഡിയുവിന്റെ എതിര്പ്പ് പുറത്തുവന്നത് സര്ക്കാരിന് തിരിച്ചടിയായിട്ടുണ്ട്. കഴിഞ്ഞയാഴ്ചയാണ് ബിൽ ലോക്സഭ പാസാക്കിയത്. ഭാര്യയെ മുത്തലാഖ് ചൊല്ലുന്ന മുസ്ലിം പുരുഷന്മാര്ക്ക് മൂന്ന് വര്ഷം വരെ തടവുശിക്ഷ ശുപാര്ശ ചെയ്യുന്നതാണ് ബിൽ.
രാജ്യസഭയിൽ മുൻതൂക്കമുള്ള പ്രതിപക്ഷം ബില്ലിനെതിരെ കടുത്ത നിലപാട് സ്വീകരിക്കുന്നതിനിടെ ജെഡിയുവിന്റെ എതിര്പ്പ് പുറത്തുവന്നത് സര്ക്കാരിന് തിരിച്ചടിയായിട്ടുണ്ട്. കഴിഞ്ഞയാഴ്ചയാണ് ബിൽ ലോക്സഭ പാസാക്കിയത്. ഭാര്യയെ മുത്തലാഖ് ചൊല്ലുന്ന മുസ്ലിം പുരുഷന്മാര്ക്ക് മൂന്ന് വര്ഷം വരെ തടവുശിക്ഷ ശുപാര്ശ ചെയ്യുന്നതാണ് ബിൽ.