രാജ്യത്ത് 70 ലക്ഷം പേര്‍ ആദായ നികുതി അടയ്ക്കുന്നില്ല

ന്യൂഡല്‍ഹി: രാജ്യത്ത് ആദായ നികുതി അടക്കാതെ വരുമാനം മറച്ച്‌ വെക്കുന്ന 70 ലക്ഷം പേരുണ്ടെന്ന് ആദായ നികുതി വകുപ്പിന്റെ കണ്ടെത്തല്‍. 2015-16 സാമ്പത്തിക വര്‍ഷത്തെ കണക്കുകളാണ് ആദായ നികുതി വകുപ്പ് പുറത്ത് വിട്ടിരിക്കുന്നത്.

ആദായ നികുതി അടക്കാത്തവരെ കണ്ടെത്തുന്നതിനുള്ള കേന്ദ്ര പ്രത്യക്ഷ നികുതി ബോര്‍ഡിന്റെ നോണ്‍ ഫില്ലേഴ്സ് മോണിറ്ററിങ് സിസ്റ്റം ആണ് ഏകദേശം 70 ലക്ഷത്തോളം പേര്‍ നികുതി അടച്ചിട്ടില്ലെന്ന് കണ്ടെത്തിയത്. 2014-15 വര്‍ഷം ഇവര്‍ നടത്തിയ വലിയ മൂല്യമുള്ള ഇടപാടുകള്‍ക്ക് നികുതി അടച്ചിട്ടില്ലെന്നാണ് കണ്ടെത്തല്‍.
കേന്ദ്രസര്‍ക്കാരിന്റെ കള്ളപ്പണം വെളിപ്പെടുത്തല്‍ നിയമപ്രകാരം ഇത്തരക്കാര്‍ക്ക് അവരുടെ വരുമാനം വെളിപ്പെടുത്താമെന്ന് അധികൃതര്‍ അറിയിച്ചു.

nearly 70 lakh income tax non-filers for 2015-16 identified by authorities
The Income Tax Department has identified an additional 67.54 lakh potential non-filers who carried out high-value transactions in 2014-15 but did not file returns.