നീരവ് മോദി ബ്രിട്ടനില്‍, വിട്ടുകിട്ടാന്‍ ഇന്ത്യ

ന്യൂഡല്‍ഹി: പിഎന്‍ബി തട്ടിപ്പു കേസില്‍ ഒളിവില്‍ പോയ വജ്രവ്യാപാരി നീരവ് മോദി ബ്രിട്ടനില്‍ ഉണ്ടെന്ന് സ്ഥിതീകരണം. പഞ്ചാബ് നാഷണല്‍ ബാങ്കില്‍ നിന്ന് 13,578 കോടിരൂപയുടെ തട്ടിപ്പ് നടത്തിയതാണ് നീരവ് മോദിക്കെതിരെയുള്ള കേസ്. നീരവ് മോദിയുടെ സാന്നിധ്യം ആദ്യമായാണ് ബ്രിട്ടണ്‍ സ്ഥിതീകരിക്കുന്നത്.

ഇന്ത്യന്‍ ഹൈക്കമ്മിഷണര്‍ മുഖേനയാണ് നീരവിനെ വിട്ടുകിട്ടാനുള്ള നടപടി ഇന്ത്യ ആരംഭിച്ചിരിക്കുന്നത്. ഇന്ത്യയിലെ ശതകോടീശ്വരന്മാരില്‍ ഒരാളാണ് നീരവ് മോദി. വായ്പാ തട്ടിപ്പു പുറത്തുവരുന്നതിനു ആഴ്ചകള്‍ക്കു മുമ്പാണ് നീരവും അമ്മാവന്‍ മെഹുല്‍ ചോക്സിയും ഇന്ത്യ വിട്ടത്. മറ്റൊരു തട്ടിപ്പു കേസില്‍ മുങ്ങിയ വിവാദ വ്യവസായി വിജയ് മല്യയെ വിട്ടുകിട്ടാന്‍ ഇന്ത്യയുടെ അപേക്ഷയിന്മേലുള്ള നടപടികള്‍ ബ്രിട്ടനില്‍ പുരോഗമിക്കുകയാണ്.