ഇന്ത്യാവിരുദ്ധ പ്രവർത്തനങ്ങൾ അനുവദിക്കില്ല: ഒലി

ന്യൂഡൽഹി: നേപ്പാളിനെ ഇന്ത്യ വിരുദ്ധ പ്രവർത്തനങ്ങളുടെ കേന്ദ്രമാകാൻ അനുവദിക്കില്ലെന്ന് നേപ്പാൾ പ്രധാനമന്ത്രി കെ.പി.ശർമ്മ ഒലി. എല്ലാവരുമായും സൗഹൃദമാണ് നേപ്പാൾ സ്വീകരിക്കുന്ന വിദേശനയം. രാജ്യങ്ങൾ തമ്മളിലുള്ള ബന്ധം കെട്ടിപ്പടുക്കുന്നത് വിശ്വാസത്തിന്മേലാണെന്നും ഒലി വ്യക്തമാക്കി.

നേപ്പാൾ എന്നും ഇന്ത്യയുമായി സൗഹൃദത്തോടെ കഴിയാൻ മാത്രമേ ആഗ്രഹിക്കുന്നുള്ളൂ. ഇന്ത്യയും ചൈനയും നേപ്പാളിന്‍റെ സുഹ‍ൃത്തക്കളാണ്. രണ്ടാം തവണയാണ് ഒലി നേപ്പാൾ പ്രധാനമന്ത്രിയായി തെരഞ്ഞെടുക്കപ്പെടുന്നത്. ഇരുരാജ്യങ്ങളിലെയും ജനങ്ങൾ തമ്മിലുള്ള സൗഹൃദവും ബഹുമാനവും വർധിപ്പിക്കുക എന്ന ലക്ഷ്യമാണ് തന്‍റെ ഇന്ത്യ സന്ദർശനത്തിന് പിന്നിലെന്നും ഒലി മാധ്യമങ്ങളോട് പറഞ്ഞു. എന്നാൽ ഒലിക്ക് ഇന്ത്യയെക്കാളും ചൈനയുമായി സൗഹൃദം സ്ഥാപിക്കുന്നതിലാണ് താൽപര്യമെന്ന് നേരത്തെ വാർത്തകളുണ്ടായിരുന്നു. 2016ലും ഒലി ഇന്ത്യ സന്ദർശിച്ചിരുന്നു.