എന്നാൽ മരണസംഖ്യ കുഞ്ഞ തോതിൽ തുടരുന്നത് ആശ്വാസം പകരുന്നുണ്ട്. രാജ്യത്ത് കൊവിഡ് കേസുകൾ ഉയർന്ന തോതിലുണ്ടായിരുന്ന മഹാരാഷ്‌ട്രയിൽ കൊവിഡ് കേസുകൾ കുറയുമ്പോൾ കേരളത്തിലും ഡല്‍ഹിയിലും ദിനം പ്രതിയുള്ള കേസുകൾ വർധിക്കുകയാണ്.
24 മണിക്കൂറിനിടെ 46,254 കേസുകള്‍
കഴിഞ്ഞ 24 മണിക്കൂറിനിടെ 46,254 പുതിയ രോഗബാധയാണ് രാജ്യത്ത് സ്ഥിരീകരിച്ചത്. ഇതോടെ ആകെ കേസുകള്‍ 83,13,877 ആയി ഉയര്‍ന്നതായി കേന്ദ്ര ആരോഗ്യ മന്ത്രാലയം പുറത്തുവിട്ട കണക്കുകള്‍ വ്യക്തമാക്കുന്നു. നിലവിൽ സജീവ രോഗികളുടെ എണ്ണത്തിലും കുറവുണ്ടായിട്ടുണ്ട്. 5,33,787 പേരാണ് ചികിത്സയിൽ കഴിയുന്നത്. 7618 പേരുടെ കുറവാണ് ഇന്നലത്തേതിൽ നിന്നുമുണ്ടായിരിക്കുന്നത്.
കൊവിഡ് കണക്ക്
കഴിഞ്ഞ മണിക്കൂറുകളിൽ 514 കൊവിഡ് മരണങ്ങൾ
കൊവിഡ് കേസുകളിൽ നേരിയ വർധന റിപ്പോർട്ട് ചെയ്‌തെങ്കിലും രാജ്യത്ത് കൊവിഡ് മരണങ്ങളുടെ എണ്ണത്തിൽ വര്‍ദ്ധനവില്ലാതെ തുടരുകയാണ്. കഴിഞ്ഞ മണിക്കൂറുകളിൽ 514 കൊവിഡ് മരണങ്ങളാണ് രാജ്യത്ത് റിപ്പോർട്ട് ചെയ്‌തത്. ഇതോടെ രാജ്യത്ത് കൊവിഡ് ബാധിച്ച് മരിച്ചവരുടെ എണ്ണം 1,23,611 ആയി ഉയർന്നു. 5,33,787 സജീവ കേസുകളാണ് രാജ്യത്തുള്ളത്. കഴിഞ്ഞ 24 മണിക്കൂറിനുള്ളിൽ 53,357 പേർക്ക് രോഗമുക്തിയുണ്ടായി.
12 ലക്ഷം പരിശോധന
കഴിഞ്ഞ 24 മണിക്കൂറിനുള്ളിൽ 12,09,609 സാമ്പിളുകളാണ് പരിശോധിച്ചത്. ഇതോടെ നവംബര്‍ മൂന്ന് ചൊവ്വാഴ്ച വരെ 11,29,98,959 സാമ്പിളുകളാണ് പരിശോധിച്ചിരിക്കുന്നത്. ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച് (ഐസിഎംആര്‍) അറിയിച്ചിരിക്കുന്നത്.
കൊവിഡ് പരിശോധന
കേരളത്തിൽ ഇന്നലെ 6,962 കേസുകള്‍
കേരളത്തിൽ കൊവിഡ് കേസുകൾ ഉയർന്ന തോതിൽ തുടരുകയാണ്. ചൊവ്വാഴ്ച 6,862 പേര്‍ക്ക് കൊവിഡ് സ്ഥിരീകരിച്ചപ്പോൾ 8,802 പേര്‍ രോഗമുക്തി നേടി. 26 മരണങ്ങൾ കൂടി സ്ഥിരീകരിച്ചതോടെ ആകെ കൊവിഡ് മരണം 1559 ആയി ഉയർന്നു. ഇതോടെ 84,713 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 3,64,745 പേര്‍ ഇതുവരെ കൊവിഡില്‍ നിന്നും മുക്തി നേടി. സംസ്ഥാനത്തെ വിവിധ ജില്ലകളിലായി 2,96,614 പേരാണ് ഇപ്പോള്‍ നിരീക്ഷണത്തിലുള്ളത്. 5899 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 783 പേരുടെ സമ്പര്‍ക്ക ഉറവിടം വ്യക്തമല്ലെന്നും ആരോഗ്യ വകുപ്പ് അറിയിച്ചു.