46,964 പേര്‍ക്ക് കൊവിഡ്; 470 മരണം, ഉയര്‍ന്ന കേസുകള്‍ കേരളത്തില്‍

ന്യൂഡല്‍ഹി: രാജ്യത്ത് പ്രതിദിന കൊവിഡ് രോഗബാധയില്‍ മാറ്റം. കഴിഞ്ഞ കുറച്ച് ആഴ്ചകളായി രോഗബാധ രാജ്യത്ത് വളരെ കുറവാണ് റിപ്പോര്‍ട്ട് ചെയ്തിരിക്കുന്നത്. ഇന്ന് രാവിലെ കേന്ദ്ര ആരോഗ്യ മന്ത്രാലയം പുറത്തുവിട്ട കണക്കുകള്‍ അനുസരിച്ച്, 46,000 ത്തിലധികം രോഗബാധയാണ് രാജ്യത്ത് സ്ഥിരീകരിച്ചത്.

പുതിയ കണക്കുകള്‍ പ്രകാരം, 46,964 പുതിയ കേസുകളാണ് ഇന്ന് റിപ്പോര്‍ട്ട് ചെയ്തത്. ഇതോടെ, ആകെ രോഗബാധ 81,84,083 ആയി ഉയര്‍ന്നു. ഈ സമയപരിധിയില്‍ രാജ്യത്ത് 470 പേര്‍ക്ക് കൊവിഡ് മൂലം ജീവന്‍ നഷ്ടപ്പെട്ടു. 1,22,111 പേരാണ് രാജ്യത്ത് ഇതുവരെ രോഗബാധ മൂലം ജീവന്‍ പൊലിഞ്ഞത്.

Also Read: കേരളത്തിന്റെ തുടര്‍ച്ചയായ പുരോഗതിക്കായി പ്രാര്‍ത്ഥിക്കുന്നു; മലയാളത്തില്‍ കേരളപ്പിറവി ആശംസകള്‍ നേര്‍ന്ന് പ്രധാനമന്ത്രി

നിലവില്‍ രാജ്യത്ത് 5,70,458 പേരാണ് വിവിധ ആശുപത്രികളിലായി ചികിത്സയിലുള്ളത്. 74,91,513 പേര്‍ കൊവിഡ് രോഗമുക്തി നേടിയതായി കേന്ദ്ര ആരോഗ്യ മന്ത്രാലയം റിപ്പോര്‍ട്ട് ചെയ്തു.


മഹാരാഷ്ട്രയിൽ ഇന്നലെ 5,548 കേസുകളാണ് റിപ്പോര്‍ട്ട് ചെയ്തത്. 74 മരണവും ആരോഗ്യവകുപ്പ് സ്ഥിരീകരിച്ചിട്ടുണ്ട്. മരണസംഖ്യയിലും കൊവിഡ് ബാധയിലും കുറവുണ്ടെന്നത് സംസ്ഥാനത്തിന് ആശ്വാസമേകുകയാണ്. 7,303 പേർ ഇന്ന് ആശുപത്രി വിടുകയും ചെയ്തിട്ടുണ്ട്.


മഹാരാഷ്ട്രയിൽ കൊവിഡ് തീവ്രബാധിത പ്രദേശമായ മുംബൈയിൽ ഇന്നലെ 993 പേർക്കാണ് രോഗം സ്ഥിരീകരിച്ചതെന്ന് കോർപ്പറേഷൻ അധികൃതർ വ്യക്തമാക്കി. ഇതോടെ ആകെ രോഗബാധിതരുടെ എണ്ണം 2,57,500 ആയി ഉയർന്നിരിക്കുകയാണ്. ഇതിൽ 2,27,822 പേർക്കാണ് രോഗമുക്തി ലഭിച്ചത്.

Also Read: അണ്‍ലോക്ക് 5 തുടരും; നവംബറിലെ നിയന്ത്രണങ്ങളും ഇളവുകളും എന്തെല്ലാം? നിബന്ധനകള്‍ അറിയാം

കർണാടകയിൽ 3,014 പേർക്കാണ് ശനിയാഴ്ച കൊവിഡ്-19 സ്ഥിരീകരിച്ചത്. ഇന്നലെ 28 മരണങ്ങൾ ആരോഗ്യ വകുപ്പ് സ്ഥിരീകരിച്ചിട്ടുമുണ്ട്. നിലവിൽ 55,017, ആക്ടീവ് കേസുകളാണ് സംസ്ഥാനത്തുള്ളത്. ചികിത്സയിലുണ്ടായിരുന്ന 7,468 പേരുടെ പരിശോധനാ ഫലം ഇന്ന് നെഗറ്റീവായതോടെ ആകെ രോഗമുക്തി നേടിയവരുടെ എണ്ണം 7,57,208, ആയി ഉയർന്നു. 11,168 പേർക്കാണ് കൊവിഡിനെത്തുടർന്ന് ജീവൻ നഷ്ടമായതെന്നും സംസ്ഥാന ആരോഗ്യ വകുപ്പ് വ്യക്തമാക്കി.

തമിഴ്നാട്ടിൽ 2,511 പേർക്കാണ് ശനിയാഴ്ച കൊവിഡ്-19 സ്ഥിരീകരിച്ചത്. ഇതോടെ സംസ്ഥാനത്ത് കൊവിഡ് ബാധിച്ചവരുടെ എണ്ണം 7,24,522. ആയി ഉയർന്നു. നിലവിൽ 22,164 ആക്ടീവ് കേസുകളാണ് ഉള്ളത്. ആകെ രോഗമുക്തി നേടിയവരുടെ എണ്ണം 6,91,236 ആണെന്നും ആരോഗ്യവകുപ്പ് വ്യക്തമാക്കി.