അഴിമതിക്കെതിരെ 'പൂജ്യം രൂപ' നോട്ടുകൾ

ന്യൂഡൽഹി: രാജ്യത്തെ അഴിമതി തുടച്ചുനീക്കാൻ പുതിയ വിപ്ലവത്തിനു തുടക്കം കുറിച്ച് സർക്കാരിതര സംഘടനയായ ഫിഫ്ത്ത് പില്ലർ. പൂജ്യം രൂപ നോട്ട് രംഗത്തിറക്കിയാണ് ഇവർ അഴിമതിക്കെതിരെ പോരാടുന്നത്. ഓഫീസുകളിൽ എത്തുന്ന സാധാരണക്കാരോട് കൈക്കൂലി ആവശ്യപ്പെടുന്ന ഓഫീസർമാർക്ക് നൽകാനാണ് ഈ പൂജ്യം രൂപ നോട്ടുകൾ.

"രാജ്യത്ത് കൈക്കൂലി വാങ്ങുന്നതും കൊടുക്കുന്നതും ശിക്ഷാർഹമാണ്. അങ്ങനെയുള്ളപ്പോൾ കൈക്കൂലിക്കെതിരെ പ്രതികരിക്കാൻ ഇത്തരമൊരു ആശയമാണ് ഉചിതം" ഫിഫ്ത്ത് പില്ലർ സംഘടനയുടെ സ്ഥാപകൻ വിജയ് ആനന്ദ് പറയുന്നു. പൂജ്യം രൂപ നോട്ട് നൽകുന്ന വ്യക്തികളോട് പണം ആവശ്യപ്പെടാനുള്ള ധൈര്യം ഉദ്യോഗസ്ഥർക്ക് ഉണ്ടാകില്ലെന്നും വിജയ് പറയുന്നു.