റായ്പ്പൂര്: ചത്തീസ്ഗഡിലെ റായ്പ്പൂരില് നവദമ്പതികളെ മരിച്ച നിലയില് കണ്ടെത്തി. ബ്രിജ്നഗര് സ്വദേശി അസ്ലം (24), ഭാര്യ കകഷാബാനു( 22) എന്നിവരെയാണ് മരിച്ച നിലയില് കണ്ടെത്തിയത്. ഭാര്യയെ കുത്തിക്കൊലപ്പെടുത്തിയ ശേഷം അസ്ലം ജീവനൊടുക്കിയതാണെന്നാണ് പ്രാഥമിക നിഗമനം. വിവാഹ റിസപ്ഷന് തയ്യാറെടുക്കുന്നതിന് തൊട്ടുമുമ്പാണ് ഇരുവരെയും മരിച്ച നിലയില് കണ്ടെത്തിയത്. കിടപ്പുമുറിയില് വെച്ച് ഇരുവരും തമ്മില് തര്ക്കമുണ്ടാവുകയും തുടര്ന്ന് അസ്ലം ഭാര്യയെ കൊലപ്പെടുത്തുകയുമായിരുന്നു. ഞായറാഴ്ചയായിരുന്നു അസ്ലമിന്റെയും കകഷാബാനുവിന്റെയും വിവാഹം. ചൊവ്വാഴ്ച രാത്രിയായിരുന്നു റിസപ്ഷന് ചടങ്ങുകള്. റിസപ്ഷന് മുന്നോടിയായി ഒരുങ്ങാനായി മുറിയിലേക്ക് പോയതായിരുന്നു ഇരുവരും. അല്പ്പസമയത്തിനകം മുറിയില് നിന്നും പെണ്കുട്ടിയുടെ അലര്ച്ച കേട്ട് ബന്ധുക്കള് ഓടിയെത്തുകയായിരുന്നു. ഏറെ നേരം മുട്ടി വിളിച്ചിട്ടും മുറിയുടെ വാതില് തുറക്കാത്തതിനെ തുടര്ന്ന് ബന്ധുക്കള് ജനല് വഴി മുറിയിലേക്ക് നോക്കിയപ്പോഴാണ് ഇരുവരും ചോരയില് കുളിച്ച് കിടക്കുന്നത് ശ്രദ്ധയില്പ്പെട്ടത്. ഇതോടെ ബന്ധുക്കള് പോലീസിനെ വിവരം അറിയിക്കുകയായിരുന്നു.
പോലീസെത്തി മുറി കുത്തിത്തുറന്ന് അകത്ത് കയറുകയായിരുന്നു. ഇരുവരുടെയും മൃതദേഹങ്ങള് പോസ്റ്റ്മോര്ട്ടത്തിന് അയച്ചു. യുവതിയെ കുത്തിക്കൊലപ്പെടുത്താന് ഉയോഗിച്ച കത്തി മുറിയില് നിന്നും കണ്ടെത്തിയിട്ടുണ്ട്. ഇരുവരും വാക്ക് തര്ക്കമുണ്ടായതിന്റെ കാരണം വ്യക്തമല്ല. സംഭവത്തില് അന്വേഷണം പുരോഗമിക്കുകയാണ്.
Read Latest National News and Malayalam News
പോലീസെത്തി മുറി കുത്തിത്തുറന്ന് അകത്ത് കയറുകയായിരുന്നു. ഇരുവരുടെയും മൃതദേഹങ്ങള് പോസ്റ്റ്മോര്ട്ടത്തിന് അയച്ചു. യുവതിയെ കുത്തിക്കൊലപ്പെടുത്താന് ഉയോഗിച്ച കത്തി മുറിയില് നിന്നും കണ്ടെത്തിയിട്ടുണ്ട്. ഇരുവരും വാക്ക് തര്ക്കമുണ്ടായതിന്റെ കാരണം വ്യക്തമല്ല. സംഭവത്തില് അന്വേഷണം പുരോഗമിക്കുകയാണ്.
Read Latest National News and Malayalam News