പനാജി: കേരളത്തിലെ സമാനമായ സാഹചര്യം ഗോവയിലും ഉണ്ടാകുമെന്ന മുന്നറിയിപ്പുമായി പരിസ്ഥിതി ശാസ്ത്രഞ്ജന്‍ മാധവ് ഗാഡ്കില്‍. മറ്റു സംസ്ഥാനങ്ങളെ പോലെ പരിസ്ഥിതി വിരുദ്ധ പ്രവര്‍ത്തികള്‍ ഗോവയിലും നടക്കുന്നു. പരിസ്ഥിതിയില്‍ കൂടുതല്‍ ശ്രദ്ധ ചെലുത്തിയില്ലെങ്കില്‍ സമാന സാഹചര്യം ഗോവയിലുണ്ടാകുമെന്നും ഗാഡ്കില്‍ പറഞ്ഞു.
കേരളത്തിലെ സംഭവം ക്ഷണിച്ചുവരുത്തിയണെന്നും ഗാഡ്കില്‍ റിപ്പോര്‍ട്ട് നടപ്പാക്കിയിരുന്നെങ്കില്‍ ഇത്ര വലിയ ദുരന്തം ഉണ്ടാവില്ലെന്നും അദ്ദേഹം പറഞ്ഞിരുന്നു.
കയ്യേറ്റങ്ങള്‍, തണ്ണീര്‍ത്തട നശീകരണം, പാറമടകളുടെ അമിത ഉപയോഗം എന്നിവയാണ് ഇത്രയും വലിയ പ്രശ്നങ്ങളിലേയ്ക്ക് നയിച്ചതെന്നാണ് മനസിലാക്കാന്‍ സാധിക്കുന്നത്.തങ്ങളുടെ താല്‍പര്യങ്ങള്‍ക്കുവേണ്ടി വിവിധ രാഷ്ട്രീയ പാര്‍ട്ടികളും ഉദ്യോഗസ്ഥരും ഒന്നിക്കുന്നു. ഇവരാണ് ഈ വിപത്തുകളുടെ യഥാര്‍ത്ഥ ഉത്തരവാദികളെന്നും അദ്ദേഹം പറഞ്ഞിരുന്നു.