റോഹിങ്ക്യന്‍ മുസ്ലിങ്ങളെ പിന്തുണച്ച് ദേശീയ മനുഷ്യാവകാശ കമ്മീഷന്‍

ന്യൂഡൽഹി : റോഹിങ്ക്യന്‍ മുസ്ലിങ്ങളെ തിരിച്ചയയ്ക്കരുതെന്ന് ദേശീയ മനുഷ്യാവകാശ കമ്മീഷന്‍. റോഹിങ്ക്യന്‍ മുസ്ലിങ്ങളുടേത് മാനുഷിക വിഷയമാണ്. ഇവരെ തിരിച്ചയക്കുന്നത് മനുഷ്യാവകാശ ലംഘനമാണെന്നും കമ്മീഷന്‍ വ്യക്തമാക്കി. തിങ്കളാഴ്ച റോഹിങ്ക്യന്‍ വിഷയം സുപ്രിംകോടതി പരിഗണിക്കുമ്പോള്‍ മനുഷ്യാവകാശ കമ്മീഷന്‍ നിലപാട് അറിയിക്കും.

റോഹിങ്ക്യന്‍ മുസ്ലിങ്ങളെ തിരികെ മ്യാന്മറിലേയ്ക്ക് കയറ്റി അയയ്ക്കാനുള്ള കേന്ദ്രസര്‍ക്കാര്‍ തീരുമാനത്തില്‍, ദേശീയ മനുഷ്യാവകാശ കമ്മീഷന്‍ കഴിഞ്ഞദിവസം കേന്ദ്ര ആഭ്യന്തര മന്ത്രാലയത്തിന് നോട്ടീസ് അയച്ചിരുന്നു. ഇതുമായി ബന്ധപ്പെട്ട വിശദമായ റിപ്പോര്‍ട്ട് നാലാഴ്ചയ്ക്കകം സമര്‍പ്പിക്കാനാണ് നോട്ടീസില്‍ നിര്‍ദേശിച്ചത്.

റോഹിങ്ക്യന്‍ അഭയാര്‍ത്ഥികള്‍ വര്‍ഷങ്ങളായി രാജ്യത്ത് താമസിച്ചുവരികയാണ്. തിരിച്ച്‌ നാട്ടിലെത്തിച്ചാല്‍ ജീവാപായം വരെ ഉണ്ടായേക്കാമെന്ന ഭീതിയിലാണ് ഇവര്‍. ഇന്ത്യ അഭയാര്‍ത്ഥികളുടെ നാടാണ്. നൂറ്റാണ്ടുകളായി നിരവധി ആളുകളാണ് രാജ്യത്ത് അഭയം തേടിയത്. ഇതിപ്പോഴും തുടരുകയാണ്. റോഹിങ്ക്യന്‍ വിഷയത്തില്‍ മാനുഷിക പരിഗണന കൂടി കണക്കിലെടുത്ത് പ്രായോഗിക സമീപനമാണ് കൈക്കൊള്ളേണ്ടതെന്നും നോട്ടീസില്‍ സൂചിപ്പിക്കുന്നു.


NHRC to oppose govt's deportation plan for Rohingyas


The National Human Rights Commission (NHRC) will oppose the government's plans to deport 40,000-odd Rohingya Muslim.