ഉത്തരാഖണ്ഡില്‍ കനത്ത മഴയിലും ഉരുള്‍ പൊട്ടലിലും ഒമ്പത് മരണം

ഉത്തരാഖണ്ഡില്‍ കനത്ത മഴയിലും ഉരുള്‍ പൊട്ടലിലും ഒമ്പത് പേര്‍ മരിച്ചു. മരണ സംഖ്യ ഇനിയും ഉയരാൻ സാധ്യയുണ്ടെന്നാണ് റിപ്പോർട്ടുകൾ. 25 ഓളം ആളുകളെ കാണാതെയായിട്ടുണ്ട്. ഉരുൾപൊട്ടലിനെ തുടർന്ന് ഋഷികേശ്-കേദാര്‍നാഥ് ദേശീയ പാതക അടച്ചു.

മേഘസ്ഫോടനത്തെ തുടർന്ന് ഉത്തരാഖണ്ഡില്‍ പലയിടത്തും ഉരുള്‍പൊട്ടലുണ്ടായി. പലയിടങ്ങളിലേയും റോ‍ഡു തകർന്നതിനാൽ ഗതാഗതം സ്തംഭിച്ചു.

ദുരന്ത നിവാരണ സേനയെ സ്ഥലത്തെത്തിയിട്ടുണ്ട്. കഴിഞ്ഞ 24 മണിക്കൂറിനുള്ളില്‍ കനത്ത മഴയാണ് ഉണ്ടായത്. അടുത്ത നാല് ദിവസം കൂടി ഇതേരീതിയില്‍ മഴ തുടരുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.