തിരുവനന്തപുരം: കേരളത്തിൽ കമ്മ്യൂണിസ്റ്റ് ആക്രമണം ചർച്ചാവിഷയമാകുമെന്ന് കേന്ദ്രമന്ത്രി നിർമ്മലാ സീതാരാമൻ. കുമ്മനം രാജശേഖരന്റെ തെരഞ്ഞെടുപ്പ് കൺവെൻഷൻ ഉദ്ഘാടനംചെയ്ത് സംസാരിക്കുകയായിരുന്നു അവർ. വെടിക്കെട്ടപകടം ഉണ്ടായപ്പോഴും ഓഖി വന്നപ്പോഴും ഓടിവന്ന മോദിയെ മറക്കരുതെന്നും നിർമ്മല പറഞ്ഞു. എൻഡിഎ മോദിയെ പ്രധാനമന്ത്രിയാക്കാൻ ശ്രമിക്കുമ്പോൾ കോൺഗ്രസിൽ പ്രധാനമന്ത്രി സ്ഥാനത്തിനുവേണ്ടി ആളുകളുടെ തിരക്കാണെന്നും മന്ത്രി പരിഹസിച്ചു. ആദ്യം ഇംഗ്ലീഷിൽ സംസാരിച്ചുതുടങ്ങിയ നിർമ്മല ജില്ലാ പ്രസിഡന്റിന്റെ അഭ്യർത്ഥന മാനിച്ച് തുടർന്ന് തമിഴിലാണ് സംസാരിച്ചത്.
2014ൽ രാജ്യം തെരഞ്ഞെടുപ്പിനെ നേരിട്ടപ്പോൾ അഴിമതിയും വിലക്കയറ്റവുമായിരുന്നു സംസാരവിഷയം. അഞ്ച് വർഷങ്ങൾക്കിപ്പുറം തെരഞ്ഞെടുപ്പിനെ നേരിടുമ്പോൾ അഴിമതി സംസാരവിഷയമല്ലെന്നും മന്ത്രി പറഞ്ഞു. സാമ്പത്തിക രംഗത്ത് രാജ്യം മുന്നോട്ടാണ്. വിലക്കയറ്റത്തെ തടഞ്ഞുനിർത്താനായി. ഇതെല്ലാം മുന്നോട്ടുവെച്ചാണ് ബിജെപി വോട്ടുതേടുന്നതെന്നും മന്ത്രി പറഞ്ഞു.
2014ൽ രാജ്യം തെരഞ്ഞെടുപ്പിനെ നേരിട്ടപ്പോൾ അഴിമതിയും വിലക്കയറ്റവുമായിരുന്നു സംസാരവിഷയം. അഞ്ച് വർഷങ്ങൾക്കിപ്പുറം തെരഞ്ഞെടുപ്പിനെ നേരിടുമ്പോൾ അഴിമതി സംസാരവിഷയമല്ലെന്നും മന്ത്രി പറഞ്ഞു. സാമ്പത്തിക രംഗത്ത് രാജ്യം മുന്നോട്ടാണ്. വിലക്കയറ്റത്തെ തടഞ്ഞുനിർത്താനായി. ഇതെല്ലാം മുന്നോട്ടുവെച്ചാണ് ബിജെപി വോട്ടുതേടുന്നതെന്നും മന്ത്രി പറഞ്ഞു.