കാര്‍ഷിക വരുമാനത്തിന് നികുതി ചുമത്താന്‍ ശുപാര്‍ശ

ന്യൂഡല്‍ഹി: രാജ്യത്ത് കാര്‍ഷികവരുമാനത്തിന് നികുതിചുമത്താന്‍ നീതി ആയോഗിന്റെ ശുപാര്‍ശ. കൂടുതല്‍പേരെ നികുതി സമ്പ്രദായത്തില്‍ എത്തിക്കാനുള്ള സര്‍ക്കാര്‍ നടപടികള്‍ക്ക് കരുത്തുപകരുന്നതാണ് ശുപാര്‍ശ. സമ്പദ് വ്യവസ്ഥ പരിപോഷിപ്പിക്കുന്നതിനുള്ള മൂന്നു വര്‍ഷത്തെ കര്‍മപദ്ധതി വിവരിക്കുന്നതിന് നീതി ആയോഗ് വിളിച്ച പത്രസമ്മേളനത്തില്‍ അംഗം ബിബേക് ദെബ്റോയ് ആണ് ഇക്കാര്യമറിയിച്ചത്

രാഷ്ട്രീയമായി ഏറെകോളിളക്കങ്ങളുണ്ടാക്കാനിടയുള്ള നടപടിയില്‍ ഇതുവരെ വിവിധ സര്‍ക്കാരുകള്‍ തീരുമാനമെടുത്തിരുന്നില്ല. വ്യക്തിഗത വരുമാനനികുതിക്കുള്ള ഇളവുകള്‍ ഒഴിവാക്കി, ആദായനികുതി നല്‍കുന്നവരുടെ എണ്ണം 3.7 കോടിയില്‍നിന്ന് 13 കോടിയായി ഉയര്‍ത്താനാണ് നീതി ആയോഗ് നിര്‍ദേശിച്ചിരിക്കുന്നത്.

ഗ്രാമീണമേഖലയെ നികുതി പരിധിയിലെത്തിച്ച് നികുതിവരുമാനം ഉയര്‍ത്തുകയാണ് നീതി ആയോഗ് ലക്ഷ്യമിടുന്നതെന്നും പത്രസമ്മേളനത്തില്‍ ദെബ്റോയ് വ്യക്തമാക്കി. കാര്‍ഷികവരുമാനത്തിന് നികുതി ഏര്‍പ്പെടുത്തില്ലെന്ന് ധനമന്ത്രി അരുണ്‍ ജെയ്റ്റ്ലി പാര്‍ലമെന്റില്‍ നേരത്തേ ഉറപ്പുനല്‍കിയിരുന്നു. ഇതിനു വിപരീതമാണ് ​ നീതി ആയോഗിന്‍റെ നിര്‍ദ്ദേശം

Niti Aayog backs tax on agriculture income

Niti Aayog, the government's thinktank, has strongly backed taxing of agricultural income above a certain threshold and removal of exemptions on personal income tax as part of a strategy to expand the tax base and prevent evasion.