ഊബർ, ഒല പരാമർശം; നിർമ്മലയെ പിന്തുണച്ച് ഗഡ്കരി

ന്യൂഡൽഹി: വാഹന വിപണിയിലെ മാന്ദ്യത്തിനു കാരണം യുവാക്കൾ ഓൺലൈൻ ടാക്സി സർവ്വീസ് കൂടുതലായും ഉപയോഗിക്കുന്നതിനാലാണെന്ന് കേന്ദ്ര റോഡ് ഗതാഗത മന്ത്രി നിതിൻ ഗഡ്കരി. പുതിയ തലമുറയിലെ യുവാക്കൾ കൂടുതലായും ഊബർ, ഒല സർവ്വീസുകൾ ഉപയോഗിക്കുന്നതിനാലാണ് വാഹന വിപണിയിൽ മാന്ദ്യം ഉണ്ടായതെന്ന ധനമന്ത്രി നിർമ്മലാ സീതാരാമന്റെ പ്രസ്താവനയെ പിന്തുണച്ചാണ് ഗഡ്കരി രംഗത്തെത്തിയിരിക്കുന്നത്.

കള്ളപ്പണം വെളുപ്പിക്കൽ; ഡി കെ ശിവകുമാറിന്റെ മകൾ ഐശ്വര്യയെ ഇഡി ചോദ്യം ചെയ്തു

വാഹനത്തിന്റെ ഉത്പാദനം പ്രതീക്ഷിച്ചതിലും കൂടുതലായിരുന്നു. ആഗോള സമ്പദ് വ്യവസ്ഥ, ഉത്പന്നങ്ങളുടെ ആവശ്യകതയും വിതരണവും എന്നിവയിലും പ്രശ്നമുണ്ട്. ധനകാര്യ മന്ത്രാലയത്തിന്റെ സഹായത്തോടെ വാഹന വിപണി മെച്ചപ്പെടുത്താനുള്ള പദ്ധതി ഗതാഗത മന്ത്രാലയം തയ്യാറാക്കുന്നുണ്ട് - ഗഡ്കരി പറഞ്ഞു.

ഫ്ലാറ്റുകള്‍ പൊളിക്കരുത്; പിന്തുണ അറിയിച്ച് സിപിഎം, കോണ്‍ഗ്രസ്

രാജ്യത്തിന്റെ സുപ്രധാന വളർച്ചയ്ക്ക് സംഭാവന നൽകുന്ന ഒരു മേഖലയാണ് വാഹന വിപണി. ഇന്ത്യ വാഹന നിർമ്മാണത്തിന്റെ കേന്ദ്രമായി മാറുമെന്നാണ് തന്റെ പ്രതീക്ഷയെന്നും ഗഡ്കരി വ്യക്തമാക്കി.

ഫോണില്‍ സംസാരിച്ച് ചെന്നിരുന്നത് പാമ്പുകള്‍ക്ക് മുകളില്‍; യുവതിയ്ക്ക് ദാരുണാന്ത്യം

പുതിയ തലമുറയിൽപ്പെട്ടവർ ഓൺലൈൻ ടാക്സി ഉപയോഗിക്കുന്നതിനാലാണ് വാഹന വിപണിയിൽ മാന്ദ്യം സംഭവിച്ചതെന്ന് ധനമന്ത്രി നിർമ്മലാ സീതാരാമൻ പറഞ്ഞത് വിവാദങ്ങൾക്ക് വഴിവെച്ചിരുന്നു. മാന്ദ്യം ഇല്ലാതാക്കാൻ കേന്ദ്രം ശ്രമിച്ചുകൊണ്ടിരിക്കുകയാണ്. ഓട്ടോമൊബൈൽ മേഖലയിൽ ലക്ഷക്കണക്കിന് ആളുകൾക്കാണ് തൊഴിൽ നഷ്ടപ്പെട്ടതെന്നും നിർമ്മല ചൊവ്വാഴ്ച പറഞ്ഞിരുന്നു.