നിതീഷ് കുമാര്‍ എന്‍ഡിഎയിലേക്ക്: ശരത് യാദവുമായി സമവായത്തിനില്ല

ന്യുഡല്‍ഹി: മുതിര്‍ന്ന പാര്‍ട്ടി നേതാവ് ശരത് യാദവുമായി സമവായത്തിനില്ലെന്ന് വ്യക്തമാക്കിയ ജെഡിയു അധ്യക്ഷനും ബിഹാര്‍ മുഖ്യമന്ത്രിയുമായ നിതീഷ് കുമാര്‍ ദേശീയ ജനാധിപത്യ സഖ്യ(എൻഡിഎ)ത്തിന്‍റെ ഭാഗമാകാന്‍ ഒരുങ്ങുന്നതായി സൂചന. ഗുജറാത്ത് മുഖ്യമന്ത്രിയായിരുന്ന നരേന്ദ്ര മോദിയെ പ്രധാനമന്ത്രി സ്ഥാനാര്‍ത്ഥിയായി പ്രഖ്യാപിച്ചതിനെത്തുടര്‍ന്ന് 2013ലാണ് നിതീഷ് എന്‍ഡിഎ വിട്ടത്.

ശനിയാഴ്‍ച നിതീഷ് ഡല്‍ഹിയില്‍വെച്ച് പ്രധാനമന്ത്രി നരേന്ദ്ര മോദി, ബിജെപി അധ്യക്ഷന്‍ അമിത് ഷാ എന്നിവരുമായി ചര്‍ച്ച നടത്തിയിരുന്നു. ബിഹാറില്‍ ബിജെപിയുമായി ചേര്‍ന്ന് സര്‍ക്കാര്‍ രൂപീകരിച്ചശേഷം നിതീഷ് മോദിയും ഷായുമായി നടത്തിയ ആദ്യ കൂടിക്കാഴ്‍ചയായിരുന്നു ഇത്.

അടുത്തയാഴ്‍ച പാര്‍ട്ടി പ്രവര്‍ത്തകരുടെ വലിയ യോഗം വിളിച്ചുകൂട്ടി നിതീഷ് എന്‍ഡിഎ പ്രവേശനം പ്രഖ്യാപിക്കുമെന്നാണ് കരുതപ്പെടുന്നത്. ഇതിനു മുന്‍പായി ശരത് യാദവുമായി വേര്‍പിരിയുമെന്നും പാര്‍ട്ടി വൃത്തങ്ങള്‍ പറഞ്ഞു. ബിജെപിയുമായി സഖ്യം രൂപീകരിച്ചതില്‍ തന്‍റെ അതൃപ്‍തി ശരത് യാദവ് ഇതിനകം പലതവണ വ്യക്തമാക്കിക്കഴിഞ്ഞു. സഖ്യത്തില്‍ തുടരാന്‍ താല്‍പര്യമില്ലെങ്കില്‍ യാദവിന് പാര്‍ട്ടി വിട്ടുപോകാമെന്ന് കഴിഞ്ഞ ദിവസം നിതീഷ് വ്യക്തമാക്കുകയും ചെയ്‍തു.

Nitish Kumar To Re-Enter NDA After Split With Sharad Yadav

After making it clear that he will make no attempt to make nice with his partner, Sharad Yadav, Bihar Chief Minister Nitish Kumar is ready for his next big move: re-entering the BJP's national coalition.