കേന്ദ്ര മന്ത്രിസഭാ വികസനം: ക്ഷണം ലഭിച്ചിട്ടില്ലെന്ന് എഐഎഡിഎംകെ

ചെന്നൈ: കേന്ദ്ര മന്ത്രിസഭയില്‍ ഉടന്‍ അഴിച്ചുപണി ഉണ്ടാകും എന്ന വാര്‍ത്തകള്‍ക്കിടെ തങ്ങള്‍ക്ക് എന്‍ഡിഎയിലേക്ക് ക്ഷണം ലഭിച്ചിട്ടില്ലെന്ന് എഐഎഡിഎംകെ. അഞ്ച് കേന്ദ്ര മന്ത്രിമാര്‍ രാജിവെച്ച അവസരത്തില്‍ മന്ത്രിസഭാ അഴിച്ചുപണി ഏതാനും ദിവസത്തിനുള്ളില്‍ ഉണ്ടാകുമെന്നാണ് കരുതപ്പെടുന്നത്.

എഐഎഡിഎംകെ എൻഡിഎയില്‍ ചേരുമെന്നും അവര്‍ക്ക് കേന്ദ്ര മന്ത്രി പദവി ലഭിക്കുമെന്നുമൊക്കെ വാര്‍ത്തകള്‍ ഉണ്ടായിരുന്നെങ്കിലും ഇത് സംബന്ധിച്ച് തങ്ങള്‍ക്ക് അറിയിപ്പൊന്നും ലഭിച്ചിട്ടില്ലെന്നാണ് പാര്‍ട്ടി വൃത്തങ്ങള്‍ നല്‍കുന്ന സൂചന. മോദി തങ്ങളുമായി ബന്ധപ്പെട്ടിട്ടില്ലെന്ന് മുതിര്‍ന്ന നേതാക്കള്‍ പറയുന്നു.

രാജി സമര്‍പ്പിച്ചവരും സമര്‍പ്പിക്കാന്‍ ആവശ്യപ്പെട്ടവരുമായ മന്ത്രിമാരുമായി ബിജെപി പ്രസിഡന്‍റ് അമിത് ഷാ കഴിഞ്ഞ ദിവസം ചര്‍ച്ച നടത്തിയിരുന്നു.ഇതിനിടയില്‍ എഐഎഡിഎംകെ നേതാവും ലോക്സഭാ ഡെപ്യൂട്ടി സ്‍പീക്കറുമായ എം തമ്പിദുരൈയുമായും അദ്ദേഹം കൂടിക്കാഴ്‍ച നടത്തി. എഐഎഡിഎംകെ എൻഡിഎയില്‍ ചേരുന്നതുമായി ബന്ധപ്പെട്ട കാര്യങ്ങളാണ് ഇരുവരും ചര്‍ച്ച ചെയ്‍തതെന്നാണ് വിവരം.

എന്നാല്‍ തമിഴ്‍നാട് മുഖ്യമന്ത്രി എടപ്പാടി പളനിസാമിയും ഉപമുഖ്യമന്ത്രി ഒ പനീര്‍സെല്‍വവും ബിജെപിയുമായി പുതിയ ബന്ധമുണ്ടാക്കുന്നതിനെപ്പറ്റി ചര്‍ച്ച ചെയ്‍തിട്ടില്ലെന്നാണ് സൂചന. ആറ് മാസത്തിലധികമായി തുടര്‍ന്ന തര്‍ക്കത്തിനൊടുവിലാണ് എഐഎഡിഎംകെയിലെ ഇരു വിഭാഗങ്ങളും അടുത്തിടെ യോജിച്ചത്. മോദിയുമായി ഡല്‍ഹിയില്‍ നടന്ന ചര്‍ച്ചയെത്തുടര്‍ന്നായിരുന്നു തീരുമാനം.

'No Call From PM Modi', AIADMK Unlikely In Cabinet, Say Sources

Senior leaders of the BJP have said that a united AIADMK is of benefit since the party often supports the government on important legislation, particularly in the Rajya Sabha, where the BJP and its allies are in a minority.