കാർഷിക വരുമാനത്തിന് നികുതി ഈടാക്കില്ലെന്ന് ധനമന്ത്രി

ന്യൂഡൽഹി: കാർഷിക വരുമാനത്തിന് നികുതി ഈടാക്കണമെന്ന നീതി ആയോഗ് ശുപാർശ തള്ളി കേന്ദ്ര ധനമന്ത്രി. കേന്ദ്ര സർക്കാരിന് കാർഷിക വരുമാനത്തിന് മേൽ നികുതി ഏർപ്പെടുത്താൻ ഒരു പദ്ധതിയില്ലെന്നും ധനമന്ത്രി അരുൺ ജെയ്റ്റ്‌ലി പറഞ്ഞു. അങ്ങനെ നികുതി ഏർപ്പെടുത്താൻ തന്നെ കേന്ദ്ര സർക്കാരിന് നിയമ തടസങ്ങളുണ്ടെന്നും ജെയ്റ്റ്‌ലി ചൂണ്ടിക്കാട്ടി.

എന്നാൽ കാർഷികേതര വരുമാനമുള്ളവർ കൃഷി വരുമാന ശ്രോതസായി കാണിച്ച് നികുതിയിളവ് നേടുന്നത് ശ്രദ്ധയിൽപ്പെട്ടിട്ടുണ്ടെന്നും ജെയ്‌റ്റിലി പറഞ്ഞു. ഇതിനെ നിയമപരമായി തന്നെ നേരിടാൻ കേന്ദ്രസർക്കാർ പദ്ധതി രൂപീകരിക്കുമെന്നും മന്ത്രി വ്യക്തമാക്കി.

no plans to impose any tax on agriculture income, FM says