ബീഹാറിൽ 65 വയസ്സിന് മുകളില്‍ പ്രായമുള്ളവര്‍ക്ക് പോസ്റ്റൽ ബാലറ്റ് സംവിധാനം ഇല്ല

പാറ്റ്ന։ ബീഹാറിൽ 65 വയസ്സിന് മുകളില്‍ പ്രായമുള്ളവര്‍ക്ക് പോസ്റ്റൽ ബാലറ്റ് സംവിധാനം ഉണ്ടാകില്ലെന്ന് തെരഞ്ഞെടുപ്പ് കമ്മീഷൻ. ഈ മാസം ആദ്യമാണ് കേന്ദ്ര തെരഞ്ഞെടുപ്പ് കമ്മീഷൻ 65 വയസ്സിന് മുകളിലുള്ളവര്‍ക്കും കൊവിഡ് രോഗബാധിതര്‍ക്കും പോസ്റ്റല്‍ വോട്ട് അനുവദിക്കാന്‍ തീരുമാനമായത്.

Also Read : കേരളത്തിൽ ഇന്ന് 722 പേര്‍ക്ക് കൊവിഡ് രോഗബാധ; 228 പേർക്ക് രോഗമുക്തി

കൊവിഡ്-19 തിന്റെ സുരക്ഷാ പ്രോട്ടോക്കോളിന്റെ പശ്ചാത്തലത്തിൽ ആളുകളുടെയും ഉപകരണങ്ങളുടേയും കുറവ് കണക്കിലെടുത്താണ് ഇത്തരത്തില്‍ ഒരു തീരുമാനത്തിലേക്ക് എത്തിയത് എന്നാണ് സംസ്ഥാന തെരഞ്ഞെടുപ്പ് കമ്മീഷന്‍ നല്‍കുന്ന വിശദീകരണം.

ബീഹാറിൽ ഒക്ടോബര്‍ നവംബര്‍ മാസങ്ങളിലായാണ് അസംബ്ലി തെരഞ്ഞെടുപ്പ് നടക്കുന്നത്. ഇതിന്റെ പശ്ചാത്തലത്തിലാണ് പുതിയ നിര്‍ദ്ദേശം കമ്മീഷന്‍ പുറത്തിറക്കിയിരിക്കുന്നത്. അതേസമയം, മധ്യപ്രദേശിലും തെരഞ്ഞെടുപ്പ് ഈ സമയത്ത് തന്നെയാണ് നടക്കുക. എന്നാല്‍, ഇതിൽ പോസ്റ്റൽ ബാലറ്റുകളുടെ കാര്യത്തിൽ എങ്ങിനെയാകുമെന്ന കാര്യം വ്യക്തമല്ല.

എന്നാല്‍, പോസ്റ്റൽ ബാലറ്റ് സൗകര്യത്തിന് പകരമായി 45 ശതമാനം പോളിങ്ങ് സ്റ്റേഷനുകളുടെ എണ്ണം ഉയർത്താനും കമ്മീഷന്‍ നിര്‍ദ്ദേശം നല്‍കിയിട്ടുണ്ട്. ഇത് പ്രകാരം 34,000 പോളിങ്ങ് സ്റ്റേഷനുകളാണ് ഒരുങ്ങുക. ഇതോടെ സംസ്ഥാനത്ത് 1.06 ലക്ഷം പോളിങ്ങ് ബൂത്തുകളാണ് തെരഞ്ഞെടുപ്പിന് ഒരുങ്ങുക. 1.8 ലക്ഷം പോളിംഗ് ഉദ്യോഗസ്ഥരെയും മറ്റ് അധിക വിഭവങ്ങളെയും അണിനിരത്തുന്നതിനുള്ളു വെല്ലുവിളികള്‍ ശക്തമാണെന്ന് കമ്മീഷൻ അറിയിച്ചു. ഉപതെരഞ്ഞെടുപ്പിനും സമാനമായ വെല്ലുവിളികളാണ് ഉണ്ടാകുക.

Also Read : ശിവശങ്കറും സ്വപ്നയുടെ ഭ‌ർത്താവും ബന്ധുക്കൾ։ വെട്ടിലാക്കി അഭിഭാഷകന്റെ മൊഴി

നേരത്തെ കൊവിഡ്-19 മഹാമാരിയുടെ പശ്ചാത്തലത്തിലാണ് കേന്ദ്ര തെരഞ്ഞെടുപ്പ് കമ്മീഷൻ പോസ്റ്റൽ വോട്ട് അനുുവദിക്കാൻ തീരുമാനമായത്. ഈ തീരുമാനത്തിലൂടെ രോഗബാധ സ്ഥിരീകരിച്ചവര്‍ക്കും നിരീക്ഷണത്തിലുള്ളവര്‍ക്കും രോഗം സംശയിക്കുന്നവര്‍ക്കും 65 വയസ്സിന് മുകളില്‍ പ്രായമുള്ളവര്‍ക്കും പോസ്റ്റൽ വോട്ട് ചെയ്യാൻ അവസരം ലഭിക്കുന്നതായിരുന്നു തീരുമാനം. എന്നാൽ, ബീഹാ‌ർ ഇതിൽ നിന്നും പിന്മാറിയതോടെ അടുത്ത നടപടിയെന്താണ് എന്നാണ് ഉറ്റുനോക്കുന്നത്.