സെപ്തംബർ 30 വരെ മത-സാമൂഹിക പരിപാടികൾ അനുവദിക്കില്ല: ആദിത്യനാഥ്

ലഖ്നൗ: സെപ്തംബ‍ര്‍ 30 വരെ മത-സാമൂഹിക പരിപാടികൾക്ക് അനുവാദം നൽകില്ലെന്ന് യോഗി ആദിത്യനാഥ് സ‍ര്‍ക്കാര്‍. മുഖ്യമന്ത്രി യോഗി ആദിത്യനാഥിന്റെ നേതൃത്വത്തിൽ ചേർന്ന ഉന്നത ഉദ്യോഗസ്ഥരുടെ യോഗത്തിലാണ് തീരുമാനം. സർക്കാർ തീരുമാനം അഡീഷ്ണൽ ചീഫ് സെക്രട്ടറി അവിനാഷ് കുമാർ അശ്വതിയാണ് മാധ്യമങ്ങളെ അറിയിച്ചത്.

Also Read: ഇങ്ങനെയെങ്കിൽ കോൺഗ്രസ് 50 വർഷത്തേക്ക് പ്രതിപക്ഷ സ്ഥാനത്തിരിക്കേണ്ടി വരും: ഗുലാം നബി ആസാദ്

ശനി, ഞായ‍ര്‍ ദിവസങ്ങളിൽ വ്യാപാര സ്ഥാപനങ്ങൾ പൂര്‍ണ്ണമായും അടച്ചിടുന്നതുൾപ്പെടെയുള്ള ക‍ര്‍ശന നിയന്ത്രണങ്ങൾ ഏര്‍പ്പെടുത്തണമെന്നും മുതി‍ര്‍ന്ന ഉദ്യോഗസ്ഥ‍ര്‍ക്കായി വിളിച്ചു ചേ‍ര്‍ത്ത യോഗത്തിൽ യോദി ആദിത്യനാഥ് പറഞ്ഞു. വ്യാപാര സ്ഥാപനങ്ങൾ അടച്ചിടുന്ന സമയം നഗരം ശുചിയാക്കണമെന്നും ഫോഗിങ് നടത്തണമെന്നും നി‍ര്‍ദ്ദേശമുണ്ട്.

Also Read: 'എന്നും മുതൽക്കൂട്ടാണ് ശശി തരൂര്‍, അദ്ദേഹത്തിനു വേണ്ടി സംസാരിക്കാനാണ് ആഗ്രഹം': ശബരീനാഥൻ

സംസ്ഥാനത്തെ കൊറോണ വൈറസ് ബാധിതരുടെ കണ്ണി പൊട്ടിക്കുന്നതിനാണ് ഇത്തരമൊരു നിയന്ത്രണം ഏ‍ര്‍പ്പെടുത്തുന്നതെന്നും അവിനാഷ് പറഞ്ഞു. മാ‍ര്‍ച്ചിൽ ലോക്ക് ഡൗൺ ഏ‍ര്‍പ്പെടുത്തിയതു മുതൽ നിയന്ത്രണങ്ങൾ ലംഘിച്ചവരിൽ നിന്നും ആകെ 70 കോടി രൂപ പിഴ ഇനത്തിൽ ഈടാക്കിയിട്ടുണ്ടെന്നും അദ്ദേഹം വ്യക്തമാക്കി.

Also Read: ഇന്ത്യയിൽ അംഗീകൃത കൊവിഡ് വാക്സിൻ 2021 മാർച്ചിനകം, മുന്നിൽ സ്വകാര്യ കമ്പനി: റിപ്പോർട്ട്

നിയന്ത്രണങ്ങൾ ലംഘിച്ച 69,765 വാഹനങ്ങൾ ഇതുവരെ പിടിച്ചെടുത്തു. സെക്ഷൻ 188 അനുസരിച്ച് 2.5 ലക്ഷം പേ‍ര്‍ക്കെതിരെ കേസെടുത്തിട്ടുണ്ട്. സംസ്ഥാനത്ത് നിലവിൽ 15,471 കണ്ടെൻമെന്റ് സോണുകളാണ് ഉള്ളത്.